14 E ndalono, Herode ma ne en jatelo mar alworano nowinjo humb Yesu+ 2 mowacho ne jotichne niya: “Jali en Johana Jabatiso. Osechier kendo mano e momiyo otimo honnigi.”+ 3 Noyudo Herode* osemako Johana motueyo e jela nikech Herodia chi Filipo owadgi.+ 4 Johana nosebedo ka wachone niya: “Ok en gima owinjore gi chik mondo ibed kode kaka chiegi.”+ 5 Herode ne dwaro nego Johana, to noluoro oganda nikech ne gikawo Johana kaka janabi.+

7 Koro, Herode* ma ne en jatelo mar alworano nowinjo wach gik moko duto ma ne timore, mi noparore ahinya nimar jomoko ne wacho ni Johana ne osechier,+ 8 to jomoko ne wacho ni Elija ofwenyore, moko to ne wacho ni achiel kuom jonabi machon osechier.+ 9 Herode nowacho kama: “Nang’ado wi Johana.+ Kare ng’at ma iwuoyo kuomeni en ng’a?” Omiyo, nomanyo kaka nonyalo neno Yesu.+