17 Sa ma Yesu ne idho ka dhi Jerusalem, nokawo jopuonjrene 12 moterogi tenge kar kendgi mowachonegi niya:+ 18 “Neuru! Koro waidho wadhi Jerusalem, kendo Wuod dhano ibiro chiw e lwet jotend-jodolo gi jondiko. Gibiro ng’adone buch tho+ 19 kendo gibiro chiwe e lwet ogendni mondo gijare, gichwade, kendo gigure e yath;+ to e odiechieng’ mar adek ibiro chiere.”+

31 Bende, nopuonjogi kowacho ni Wuod dhano nyaka kal e sand mang’eny, kendo jodongo, gi jotend-jodolo, kod jondiko biro kwede, kendo ibiro nege,+ kae to obiro chier bang’ ndalo adek.+

31 Nimar nopuonjo jopuonjrene kowachonegi kama: “Wuod dhano idhi ndhogi mi chiwe e lwet ji, kendo gininege,+ to kata konege obiro chier bang’ ndalo adek.”+

22 kae to nowacho kama: “Wuod dhano nyaka kal e sand mang’eny, kendo jodongo, gi jotend-jodolo, kod jondiko biro kwede, kendo ibiro nege+ kae to e odiechieng’ mar adek ibiro chiere.”+

31 Eka nokawo ji Apar Gariyoka moterogi tenge kendo nowachonegi niya: “Neuru! Koro waidho wadhi Jerusalem kendo weche duto ma jonabi nondiko kuom Wuod dhano biro chopo.+ 32 Kuom ranyisi, ibiro chiwe e lwet ogendni mamoko,+ mi ginijare,+ ginitimne timbe mag achaya, kendo gining’ul olaw kuome.+ 33 Eka gininege bang’ chwade,+ to e odiechieng’ mar adek obiro chier.”+