25 “Mano e momiyo awachonu niya: Weuru bedo gi parruok+ e wi ngimau kuom gima ubiro chamo, kata ma ubiro madho, kata kuom gima ubiro rwako.+ Donge ngima duong’ moloyo chiemo, to del duong’ moloyo lewni?+ 26 Nonuru adimba winy manie polo;+ ok gichuo, ok gike, bende ok giken e deche. To pod Wuonu manie polo pidhogi. Donge un to nengou duong’ ahinya moloyogi? 27 Ng’ano kuomu ma kuom parruok nyalo medo bor mar ngimane kata mana gi bat* achiel?+ 28 Bende, uparoru nang’o kuom wach lewni? Puonjreuru kaka maua mag pap dongo; ok gichandre gi tich kendo ok gitwang’ lewni; 29 to awachonu ni, kata mana Solomon+ e ber mar duong’ne duto, ok norwakore kaka achiel kuom maupego. 30 Koro ka Nyasaye rwako yien ayiena manie papgo kamano, ma gin mana gik ma betie kawuono to kiny iwitogi e mach, donge obiro rwakou moloyo, koso, un jo ma nigi yie matin-gi?

6 Kik uparru e wi gimoro amora,+ to kuom gik moko duto, kulamo kendo kusayo kaachiel gi goyo erokamano, nyisuru Nyasaye kwayou;+