4 Ka ne ruoth ma dhako ma Sheba oneno rieko duto mag Solomon,+ ot ma nogero,+ 5 chiemo ma ne nie mesane,+ kaka jotichne ne bet e mesa, joter chiemo e mesa kod kit rwakruokgi, jolos divai, kod misengni ma ne owang’o pile e od Jehova, ruodhno nodhier nono mi dhoge nomoko. 6 Eka nowacho ne ruoth niya: “Huma ma ne awinjo ka an e pinywa e wi riekoni kod gik misetimo gin adier. 7 Ka ne awinjo wechego ne ok ayie kodgi nyaka ne abiro ma aneno gi wang’a. Kare ne ok onyisa kata mana nusgi. Riekoni kod mwanduni okalo mabor weche ma nonyisa.