10 Nimar Wuod dhano nobiro mondo omany jo ma ne olal, kendo mondo oresgi.”+

47 To ka ng’ato winjo wechenagi to ok oritgi, ok ang’adne bura; nimar nabiro, ok ni mondo ang’ad ne piny bura, to mondo ares piny.+

22 Mana kaka kuom Adam dhano duto tho,+ e kaka bende kuom Kristo dhano duto biro bedo mangima.+

18 Kata kamano, gik moko duto a kuom Nyasaye ma ne oloso winjruok maber e kindwa kode kokalo kuom Kristo,+ kendo nomiyowa tich mar konyo ji olos winjruok kode,+ 19 tiende ni kokalo kuom Kristo, Nyasaye ne loso winjruok gi piny duto,+ ma ok okwan kethogi e wigi kendo,+ to wan nomiyowa tij lando wach winjruogno.+

15 Wachni en wach migeno kendo ma ji onego oyiego chuth: Kristo Yesu nobiro e piny mondo ores joricho.+ To kuomgi, an e jaricho ma rachie moloyo.+

2 Nyithinda matindo, koro andikonu wechegi mondo kik utim richo. To ka ng’ato otimo richo, wan gi jakony* moa kuom Wuoro, ma en Yesu Kristo,+ ng’at makare.+ 2 Kendo en misango ma loso winjruok+ nikech richowa,+ to ok mana richowa kende, to bende richo mag piny mangima.+

14 E wi mano, wan wawegi waseneno kendo wachiwo neno ni Wuoro oseoro Wuode mondo obed Jawar mar piny.+