16 To chieng’ ma luwo Sabato mar abiriyo, ma en chieng’ mar 50,+ unuchiw ne Jehova misango mar cham manyien.+

9 “Ubiro kwano jumbe abiriyo. Ubiro chako kwano jumbe abiriyogo chieng’ muchako kayoe chambu.+ 10 Bang’ jumbego, unutim Sap Jumbe ne Jehova Nyasachu,+ kendo unukel chiwo ma ng’ato golo kuom herone owuon; ng’ato ka ng’ato biro chiwo kaluwore gi kaka Jehova Nyasachu oseguedhe.+ 11 Un kaachiel gi yawuotu gi nyiu, gi wasumbniu ma chwo, gi wasumbniu ma mon, gi Jo-Lawi modak e miechu, gi jopinje mamoko modak kodu, gi nyithi kiye, gi mond liete modak e kindu biro bedo mamor e nyim Jehova Nyasachu, kendo uduto ubiro chokoru ka ma Jehova Nyasachu biro yiero mondo nyinge obedie.+