13 Nikech kokalo kuom roho achiel, waduto ne obatiswa mi wabedo ringruok achiel, bed ni wan Jo-Yahudi kata Jo-Grik, bed ni wan wasumbni kata wan thuolo, kendo waduto ne wamadho roho achiel.

10 kendo urwak kit dhano manyien,+ ma kokalo kuom ng’eyo malong’o, ilose kodhi nyime bedo manyien mondo ochal gi kido mar Jal ma ne ochueye,+ 11 ma chop ka ma ok kwan ni ng’ato en Ja-Grik kata Ja-Yahudi, ng’at moter nyangu kata ng’at ma ok oter nyangu, wendo, Ja-Skithia,* misumba, kata ng’at man thuolo; to Kristo en gik moko duto kuom duto.+