25 Nyasaye ne ochiwe kaka misango mar pwodho+ jo ma keto yie kuom rembe.+ Notimo mano mondo onyisgo owuon timne makare, nimar Nyasaye ne nyiso horuok kuom weyo richo ma ji notimo e ndalo machon.

17 Nikech mano, jalno ne nyaka bed ma chal gi “owetene” e yore duto,+ mondo eka obed jadolo maduong’ ma kecho ji kendo migeno e weche motudore gi Nyasaye, mondo ochiw misango mar loso winjruok+ nikech richo mag ji.+

26 Nono to dine odwarore ni osandre nyading’eny nyaka a chakruok mar piny. To koro sani ma en giko pinyni,* osebiro owuon dichiel ma ok bi nwo kendo, mondo otiek richo kokalo kuom chiwo ngimane owuon kaka misango.+

2 Nyithinda matindo, koro andikonu wechegi mondo kik utim richo. To ka ng’ato otimo richo, wan gi jakony* moa kuom Wuoro, ma en Yesu Kristo,+ ng’at makare.+ 2 Kendo en misango ma loso winjruok+ nikech richowa,+ to ok mana richowa kende, to bende richo mag piny mangima.+