YWAGRUOK
א [Aleph]*
1 Mano kaka dalano odong’ gunda, dala ma nopong’ gi ji!+
Mano kaka dalano oselokore chi liel, chon ji ne opong’e moloyo kind ogendni!+
Nyar ruoth sani ichuno gi tich mana ka misumba!+
ב [Beth]
2 Oywak malit gotieno,+ kendo pi wang’e mol e lembe.
Onge jaherane kata achiel ma hoyo chunye.+
Osiepene duto osendhoge;+ giselokore jowasike.
ג [Gimel]
3 Juda oseter e tuech,+ isande kendo imiye tich matek.+
Nyaka to odag e kind ogendni;+ ok onyal yudo kuwe.
Jo ma ne sande osejuke ka en e chandruok malich.
ד [Daleth]
4 Nderni ma dhi Sayun ywagore, nimar onge jo ma dhi e sawo.+
Rangeyene duto ni nono;+ jodolone ywagore.
Nyige okuyo, kendo chunye lit nikech ochandore.
ה [He]
5 Jowasike koro e ruodhe; onge gima chando jo ma mon kode.+
Jehova osekelone kuyo nikech timbene maricho mokalo akwana.+
Jowasike osetero nyithinde e tuech.+
ו [Waw]
6 Duong’ duto ma nyar Sayun ne nigo oselal.+
Jotende chalo gi le modenyo ma ok nyal yudo lum mang’ich,
Giwuotho ka giol e nyim ng’at ma lawogi.
ז [Zayin]
7 Jerusalem chandore kendo oonge ka ma dodagie, oparo
Mwandune duto mabeyo ma ne en-go chon.+
Ka ne joge opodho e lwet jowasikgi ma onge ng’at ma konygi,+
Jowasike nonene monyiere nikech nosepodho.+
ח [Heth]
8 Jerusalem osetimo richo madongo.+
Mano e momiyo osebedo mochido.
Ji duto ma ne miye duong’ koro ochaye, nikech giseneno duge.+
Ochur,+ kendo ong’iyo tenge nikech wich-kuot.
ט [Teth]
9 Chilo ma en-go osemienore e lepe.
Ok noparo gima biro yude bang’e.+
Nopodho piny malich; oonge gi ng’at ma hoye.
A Jehova, ne ane chandruokna nimar jasigu sungorena.+
י [Yod]
10 Jasike oyieyo lwetene e wi mwandune duto.+
Oseneno ka ogendni donjo e kare maler,+
Jo ma ne ikwero ni kik donj e chokruok mari.
כ [Kaph]
11 Joge duto chur; gimanyo chiemo.+
Gisechiwo gigegi mabeyo mondo giyud chiemo, nono to kech onegogi.
Yaye Jehova, ne kaka asebedo dhako* ma nono.
ל [Lamed]
12 Un duto ma ukadho, ok dudewie wach malich moyudani?
Ting’uru wang’u mondo une!
Be nitie rem ma chalo gi rem ma nayudo,
Chieng’ ma Jehova nosanda ka iye owang’ koda?+
מ [Mem]
13 Ne ooro mach ka en e polo modonjo e chokena,+ kendo otieko tekona.
Osechikona obadho momako tienda; osemiyo adok chien.
Osemiyo adong’ ka dhako mojwang’.
Tuo ramo denda odiechieng’ duto.
נ [Nun]
14 Lwete osetueyo kethona kuoma mana ka jok.
Osetueyogi e ng’uta, mi tekrena orumo.
Jehova oseketa e lwet jo ma oloya gi teko.+
ס [Samekh]
15 Jehova osewito joga ma thuondi duto oko.+
Oseluongo oganda mondo otiek yawuota ma roteke.+
Jehova osenyono nyar Juda mana ka ng’at ma nyono divai e kar bicho.+
ע [Ayin]
16 Aywak malit nikech wechegi;+ pi wang’a chuer.
Ng’at ma dihoya kata duogo chunya ni mabor koda.
Nyithinda odhier nono, nikech jasigu oselocho.
פ [Pe]
17 Sayun oseyaro lwetene;+ oonge gi ng’at ma hoye.
Jehova osechiko wasigu mokiewo gi Jakobo mondo omon kode.+
Jerusalem osebedonegi mochido.+
צ [Tsade]
18 Jehova ni kare,+ an e ma asedagi luwo chikene.+
Winjuru un ji duto, kendo une rem ma an-go.
Oseter nyiga kod yawuota e tuech.+
ק [Qoph]
19 Ne aluongo joherana, to gisendhoga.+
Jodolona kod jodongona osetho e dalano,
Ka gimanyo gima digicham mondo kech kik neggi.+
ר [Resh]
20 Yaye Jehova, ne kaka achandora.
Iya ludore.
Chunya chandore nikech asepiem kodi ahinya.+
Ligangla nego ji oko;+ tho to neko e udi.
ש [Shin]
21 Ji osewinja ka achur; onge ng’at ma diho chunya.
Jowasika duto osewinjo kaka achandora.
Gimor nikech in e ma ikelona chandruok.+
To inikel odiechieng’ ma nisingo,+ mi ginichal koda.+
ת [Taw]
22 We mondo richogi duto obi e nyimi, mondo gin bende isandgi,+
Mana kaka isesanda nikech richona duto.
Nimar achur ahinya, kendo chunya ool chuth.
א [Aleph]
2 To mano kaka Jehova oseumo nyar Sayun gi bor polo mopong’ gi mirimbe!
Osewito ber mar Israel koa e polo nyaka e piny.+
Ok noparo raten tiende+ e odiechieng mirimbe.
ב [Beth]
2 Jehova osemuonyo kuonde dak mag Jakobo ma ok okechogi.
Osemuko ohinga motegno mag nyar Juda gi mirima mager.+
Osegoyo pinyruodhno piny+ kaachiel gi jotende,+ mi omiyogi wich-kuot.
ג [Gimel]
3 Ka ne iye owang’ ahinya notieko teko* Israel duto.
Ka ne wasikgi chiegni chopo, ne ogolo lwete ma korachwich,+
Kendo kuom Jakobo ne oliel ka mach ma wang’o gik moko duto molwore.+
ד [Daleth]
4 Oseywayonwa atung’ mana ka jasikwa; bade ma korachwich oseikore mana ka mar jasigu.+
Ne osiko konego jo ma ne ji ohero.+
Kendo noolo mirimbe mager ka mach+ e hemb nyar Sayun.+
ה [He]
5 Jehova oselokore jasigu;+
Osemuonyo Israel.
Osemuonyo ohingage madongo duto;
Osemuko kuondene moger motegno.
Osekelo kuyo mang’eny kod ywagruok ne nyar Juda.
ו [Waw]
6 Oseketho kiru mare gi teko mang’eny,+ mana ka od lum manie puodho.
Oseketho sawo mage.+
Jehova osemiyo wi ji owil gi sawo kod sabato e Sayun,
Mirimbe mager miyo ok odewo ruoth kod jadolo.+
ז [Zayin]
7 Jehova osedagi kendo mare mar misango;
Osejwang’o kare maler.+
Osechiwo ohinga mage mochiel motegno e lwet jasigu.+
Giseting’o dwondgi malo e od Jehova,+ mana kaka itimoga chieng’ sawo maduong’.
ח [Heth]
8 Jehova oseng’ado ni obiro muko ohinga mar nyar Sayun.+
Oserieyo tol mipimogo.+
Pok ogeng’o lwete mondo kik kel kethruok.
Osekelo ywak ne pidhe kod ohinga ma ji oloso.
Giduto gionge gi teko.
ט [Teth]
9 Dho rangeyene osenyumore e lowo.+
Osemuko mi oketho lodi mage.
Ruodhe kod jotende oseter e tuech e kind ogendni mamoko.+
Onge chik* moro amora; kata mana jonabine ok yud fweny moa kuom Jehova.+
י [Yod]
10 Jodong nyar Sayun obet piny e lowo ka giling’ thi.+
Gikiro buru e wigi ka girwako lep gunia.+
Nyi Jerusalem ma silili okulo wigi piny.
כ [Kaph]
11 Aseywak aming’a ma wengena ool.+
Iya* ludore.
Chunya osenyosore chuth,* nikech nyar joga osepodho,*+
Nimar much nyithindo matindo kod ma pod dhoth ng’adore e laru mag dala.+
ל [Lamed]
12 Sa ma gipodho e laru mag dala mana ka ng’at ma ogo,
Gipenjo minegi niya: “Ere chiemo kod divai?”+
Ngimagi rumo mos e lwete minegi.
מ [Mem]
13 Anyalo tiyo gi ang’o mondo obed janeno,
Kata dapimi gang’o, yaye nyar Jerusalem?
Ang’o ma dapimigo mondo aho chunyi, yaye nyar Sayun ma silili?
Adhola ma in-go duong’ ka nam.+ Ere ng’at ma dichangi?+
נ [Nun]
14 Fweny ma jonabini noneno ne ok gin adier to mana miriambo lilo,+
Ne ok ginyisi kethoni mondo gikonyi kik teri e tuech,+
To ne ginyisi mana fweny mag miriambo kendo ma wito ji.+
ס [Samekh]
15 Ji duto ma kadho buti pamo lwetegi ka gijari.+
Giliyo,+ kendo gikino wigi ne nyar Jerusalem ka giwacho niya:
“Dibed ni ma e dala machon ji ne wacho kuome ni, ‘Dala maber moloyo, ma kelo mor ne piny duto’?”+
פ [Pe]
16 Jowasiki duto oseng’amoni dhogi.
Giliyo, kendo gikayo lekegi ka giwacho niya: “Wasemuonye.+
Ma e odiechieng’ ma ne warito!+ Osechopo kendo wasenene!”+
ע [Ayin]
Oseketho gik moko ma ok odewo.+
Osemiyo jasigu oloch e wiyi gi ilo; oseting’o teko* jasiki malo.
צ [Tsade]
18 Giywak ne Jehova gi chunygi, Yaye ohinga mar nyar Sayun.
Pi wang’i mondo ochuer mana ka aora odiechieng’ gotieno.
Kik iyue kata matin, kendo pi wang’i kik chogi.
ק [Qoph]
19 A malo! Ywag matek e arita ka arita mag otieno.
Ol weche manie chunyi oko ka pi ne Jehova.
Ting’ bedeni malo kisaye mondo ores nyithindi,
Ma kech nego e laru magi duto.+
ר [Resh]
20 Yaye Jehova, ting’ wang’i mondo ine ng’at ma isesando malit.
Be mon biro dhi adhiya nyime chamo nyithindgi ma ginyuolo mi gipiro,+
Kata jodolo gi jonabi ibiro neg anega e ka maler mar Jehova?+
ש [Shin]
21 Wuoyi matin kod jaduong’ onindo piny koneggi e nderni.+
Nyiga ma silili gi yawuota osenegi gi ligangla.+
Iseneko e odiechieng mirimbi; isenegogi ma ok idewo.+
ת [Taw]
22 Ikelona gik ma bwoga moa e kuonde duto, mana ka jo ma ochokore ne sawo.+
Onge ng’at ma nokwo kata ma notony chieng’ mirimb Jehova.+
Jo ma ne anyuolo mi apidho, wasika osetieko pep.+
א [Aleph]
3 An e ng’at moseneno chandruok nikech ludh mirimbe.
2 Oseriemba oko mi koro awuotho e mudho, ok e ler.+
3 Adier, osiko ogoya gi lwete odiechieng’ duto.+
ב [Beth]
4 Osemiyo ringra gi pien denda obedo ka mar ng’at moti;
Oseturo chokena.
5 Osedinona; oselwora koni gi koni gi sum mager+ kod chandruok.
6 Osechuna bet kuonde motimo mudho mana ka jo ma notho chon.
ג [Gimel]
7 Osedinona mondo kik aringi;
Osetueya gi nyororo mapek mar mula.+
8 Sa ma aywakne mondo okonya, ok owinj* lamona.+
9 Osedino yore ma awuothoe gi kite mopa;
Osegondo nderni ma awuothoe.+
ד [Daleth]
10 Obutona mana ka dubu, mana ka sibuor mopondo.+
12 Oseywayo atung’ mare, kendo an e ma ochikona asernige.
ה [He]
13 Osechuoyo nyirokena gi aserni mogolo e ode.
14 Ji duto nyiera, an e ma giwera odiechieng’ duto.
15 Osepong’a gi gik malit, kendo oseruwa gi yath makech.+
ו [Waw]
16 Oseturo lekena gi kite matindo tindo;
Osemiyo luoro omaka mi apondo e buch kendo.+
17 Isemaya kuwe; wiya osewil gi gima ber.
18 Kuom mano, awacho niya: “Duong’na oselal nono, kendo onge gima dagen kuom Jehova.”
ז [Zayin]
19 Par kaka asechandora kendo kaka aonge gi ot,+ par yath makech gi sum mager.+
20 An gadier ni ibiro parogi, kendo ibiro kulori mondo ikonya.+
21 Anapar wachno e chunya; mano e momiyo ok abi ol rito.+
ח [Heth]
23 Ginyien okinyi kokinyi;+ chutho adierani ogundho.+
24 Asewacho ni, “Jehova e pokna,+ mano e momiyo ok abi ol rite.”+
ט [Teth]
25 Jehova timo maber ne ng’at mogeno kuome,+ ne ng’at ma siko ka dware.+
26 Ber bedo mos+ kirito warruok mar Jehova.+
27 Ber ka ng’ato oting’o jok ka pod orawera.+
י [Yod]
28 Mad obed kar kende koling’ mos ka Nyasaye oseketone majoko.+
29 We mondo okul wiye nyaka e lowo;*+ di po ka obedoe gi geno.+
30 We mondo ochiw lembe ne ng’at ma thale; we mondo ji oyanye ayanya.
כ [Kaph]
31 Nimar Jehova ok bi witowa nyaka chieng’.+
32 Kata obedo ni osemiyowa kuyo, pod obiro kechowa nikech herane mogundho.+
33 Nimar ok ohero sando dhano kata kelonegi kuyo.+
ל [Lamed]
34 Ok oyie mondo onyon ng’ato ang’ata motue,+
35 Kata tamo ng’ato yudo adiera monego oyud e nyim Ng’at Mamalo Chutho,+
36 Kata ketho buch ng’at miyalo
—Jehova ok ohero gik ma kamago.
מ [Mem]
37 Ng’ano ma diwach gimoro ma gino timre ka Jehova ok ochike?
38 Gik maricho kod gik mabeyo
Ok nyal wuok kanyachiel e dho Ng’at Mamalo Chutho.
39 Ere gimomiyo ng’at mangima ng’ur sa ma osandore nikech richone?+
נ [Nun]
40 Mad wanonuru yorewa kendo paro kuomgi matut,+ mondo waduog ir Jehova.+
41 Wating’uru lwetewa kaachiel gi chunywa ne Nyasaye e polo:+
42 “Waseketho, wasepiem kodi,+ to pok iweyonwa kethowa.+
ס [Samekh]
44 Isemiyo bor polo oumi, mondo kik lamowa ochopni.+
45 Isemiyo wabedo kaka yugi e wang’ ogendni.”
פ [Pe]
46 Wasikwa duto oseng’amonwa dhogi.+
47 Luoro kod obadho osebedonwa pok,+ kethruok gi masira ochomowa.+
48 Pi wengena mol ka aora nikech nek ma inegogo nyar joga.+
ע [Ayin]
51 Wengena osemiyo akuyo nikech nyi dalana duto.+
צ [Tsade]
52 Jowasika oselawa nono mana ka winyo.
53 Gisenyuma e bur mondo gitiek ngimana; ne gisiko gibaya gi kite.
54 Pige ne oima, mi nawacho niya: “Asetho!”
ק [Qoph]
55 A Jehova, ne aluongo nyingi ka ne an e i bur matut.+
56 Winj dwonda; kik idin iti ne ywakna, kik itamri konya.
57 Ne isudo buta ka ne aluongi. Ne iwachona niya: “Kik iluor.”
ר [Resh]
58 Isedokna e bura, A Jehova, isereso ngimana.+
59 A Jehova, iseneno gik maricho mosetimna; akwayi ni ing’ad bucha e yo makare.+
60 Iseneno kaka gichulona kuor, kod gik maricho duto ma gichano timona.
ש [Sin] kata [Shin]
61 A Jehova, isewinjo kaka giyanya, kod gik maricho duto ma gichano timona,+
62 Wasika kuodha odiechieng’ duto.
63 Ranggi ane; bed ni gibet kata gichung’, gijara gi wendegi!
ת [Taw]
64 A Jehova, ibiro chulogi kaluwore gi timbegi.
65 Ibiro kuong’ogi ka imiyogi chuny matek.
66 A Jehova, ibiro lawogi gi mirimbi, mi itiekgi e piny.
א [Aleph]
4 To mano kaka dhahabu ma ne ler koro ok rieny!+
To mano kaka kite maler+ okere e nderni duto manie dala!+
ב [Beth]
2 Yawuot Sayun ma bergi ne chal gi dhahabu maler,
Koro chalo mana gi agulni mag lowo,
Gik ma jachuecho e ma oloso!
ג [Gimel]
ד [Daleth]
4 Lew nyathi ma dhoth omoko e dande nikech riyo oloye.
Nyithindo kwayo makate,+ to onge ng’at ma miyogi kata mana ng’injo.+
ה [He]
5 Jo ma yande chamo chiemo mamit koro nindo mana e nderni nikech kech negogi.+
Jo ma ne rwako lewni makwar+ koro onindo mana e pidhe mag buru.
ו [Waw]
6 Kum ma nyar joga oyudo, duong’ moloyo kum ma Sodom noyudo nikech richone,+
Ne otiek Sodom ka diemo wang’, onge ng’at ma ne nyalo konye.+
ז [Zayin]
7 Jo-Nazir+ mage ne ler moloyo theluji, ne gin rochere moloyo chak.
Ne gikwar moloyo kite mag korol; ne girieny ka kite mag safir.
ח [Heth]
8 To tinde gin rotenge ti;
Onge ng’at ma nyalo fwenyogi e nderni.
Gidhero ma koro gidong’ choke lilo;+ gichalo yien motwo.
ט [Teth]
9 Jo ma ne otho gi ligangla ne ber berie moloyo jo ma ne kech onego,+
Nimar kech ne oyweyogi mi otiekogi nikech ne onge cham e puothe.
י [Yod]
10 Mon ma ne ng’won osetedo nyithindgi giwegi.+
Nyithindgigo nobedo chiembgi e ndalo ma ne masira omako nyar joga.+
כ [Kaph]
11 Jehova osenyiso ich-wang’ne;
Oseolo mirimbe mager.+
Kendo omoko mach e Sayun mowang’o misene.+
ל [Lamed]
12 Ruodhi mag piny kod ji duto ma ne odak e piny ne ok par
Ni jasigu ne nyalo donjo e dho rangeye mag Jerusalem.+
מ [Mem]
13 Mano notimore nikech richo mag jonabine kod ketho mag jodolone,+
Ma ne chuero remb jo makare ma ne odak e iye.+
נ [Nun]
14 Giwuotho awuotha e nderni ka muofni.+
Gimienore gi remo,+
Onge ng’at ma nyalo mulo lepgi.
ס [Samekh]
15 Ji ne goyonegi koko niya: “Dhiuru kucho! Uchido! Suduru mabor! Suduru mabor! Kik umulwa!”
Gionge kuonde dak kendo gibayo abaya.
Ogendni wacho niya: “Ok ginyal dak kodwa.+
פ [Pe]
16 Jehova owuon e ma osekeyogi;+
Ok nochak odewgi kendo.
Ji biro chayo jodolo,+ kendo ok ginidew jodongo.”+
ע [Ayin]
17 Wengewa koro oseol ka wamanyo ng’at ma dikonywa to onge.+
Ne wamanyo kony kayiem nono kuom oganda ma ne waparo ni ne nyalo konyowa.+
צ [Tsade]
18 Giselawowa kuonde duto+ ma koro ok wanyal kata wuotho e laru magwa.
Thowa osechopo; ndalowa chiegni rumo, gikowa osekayo machiegni.
ק [Qoph]
19 Jo ma ne lawowa ne ringo ng’wech moloyo otenga ma fuyo e kor polo.+
Ne gilawowa e gode; ne gibutonwa e thim.
ר [Resh]
20 Osemak ng’at mowir mar Jehova,+ muya ma wayueyo, mokete e bur maduong’ ma ne gikunyo,+
Ng’at ma ne wawacho kuome niya: “Wabiro dak e bwo tipone e kind ogendni.”
ש [Sin]
21 Yaye nyar Edom modak e piny Uz, bed mamor kendo moil.+
In bende okombeno biro choponi,+ mi inimadhe mimer kendo ji none dugi.+
ת [Taw]
22 Yaye nyar Sayun, kum ma ne omiyi nikech richoni osechopo e gikone.
Ok obi teri e tuech kendo.+
To in, yaye nyar Edom, obiro kumi.
Obiro elo richoni.+
5 A Jehova, parie gima osetimorenwa.
Rang mondo ine wich-kuot ma wan-go.+
2 Pinywa* osemi jo ma oa e pinje mamoko, to utewa osemi welo.+
3 Wachalo nyithi kiye ma onge wuonegi; minewa chalo gi mond liete.+
4 Wang’iewo pi ma wamodho+ kod yiende ma wachwekogo to gin magwa.
6 Wasayo Jo-Misri+ kod Jo-Asuria+ mondo wayudie gima dwacham.
7 Kwerewa ma ne otimo richo ne osetho, to koro ikumowa nikech richogi.
8 Jotich e ma koro locho e wiwa; onge ng’at ma nyalo resowa e lwetgi.
9 Waikore kata mana tho+ mondo wayud chiembwa, nikech ligangla nie thim.
10 Pien dendwa liet ka mach mager, nikech kech osekayowa aming’a.+
11 Mon mag Sayun kod nyiri ma silili manie miech Juda osenindgo gi thuon.+
12 Jotelo ne olier gi lwetegi,+ kendo ne ok omi jodongo luor.+
13 Yawuoyi ma roteke ne ochun mondo oting’ pong’, kendo yawuoyi matindo ne chwanyore ka giting’o yien.
14 Jodongo ok olal e dho ranga dala;+ yawuoyi ok go thum.+
15 Mor oselal e chunywa; tinde wakuyo akuya, ok wamiel.+
16 Osimbo oselwar koa e wiwa. Yaye, litnwa nikech wasetimo richo!
17 Mano osemiyo chunywa lit,+
Kendo gigi osemiyo wengewa ool,+
18 Nikech Got Sayun osedong’ gunda;+ bwe e ma koro bayo abaya kuno.
19 To in A Jehova, ibet e kom-lochni nyaka chieng’.
Kom-lochni ogurore e tienge duto.+
20 Ang’o momiyo wiyi osewil kodwa ma ijwang’owa aming’a?+
21 Duogwa iri, A Jehova, mi wanaduog iri.+
Yie mondo ndalowa obed kaka ne gin chon.+
22 To isewitowa chuth.
Iyi osiko ka owang’ matek kodwa.+
Sula mar 1-4 gin wende mag ywagruok mochan e nyukta mag dho Hibrania.
Tiende ni, Jerusalem.
Hibrania, “nong’ado tunge.”
Kata, “puonj.”
Hibrania, “Nyimbiyena.”
Hibrania, “Chunya osepukore piny e lowo.”
Nyalo bedo ni wendni ne iwero sa ma ne ikecho ng’ato.
Hibrania, “tung.”
Kata, “odino ne; ogeng’o ne; oloro ne.”
Kata nyalo bedo, “Osemiyo adong’ ka puodho ma ok opur.”
Kata, “We mondo oket dhoge e lowo.”
Kata, “Pok marwa.”
Kata, “Jo ma lawowa osechopo e ng’utwa.”