PENJO MOKWONGO
Nyasaye en ng’a?
“Mondo ji ong’e ni in ma nyingi Jehova, in kendi e Ng’at Mamalo Chutho e wi piny mangima.”
“Ng’euru ni Jehova en Nyasaye. En e ma ne ochueyowa, kendo wan joge.”
“An Jehova. Mano e nyinga; ok anami ng’ato ang’ata duong’na, ok anayie sanamu oyud pakna.”
“Ng’at ma luongo nying Jehova ibiro resi.”
“En adier ni ot ka ot nigi ng’at mogere, to jal ma ne ogero gik moko duto en Nyasaye.”
“Ting’uru wang’u e polo mondo une. Ng’ano mosechueyo gigo duto? En Ng’at ma golo ogandagi kokwanogi; ma luongogi giduto gi nyingegi. Nikech tekone ng’eny kendo lich miwuoro, onge kata achiel kuomgi ma ok ochung’ kare.”