PENJO MAR 7
Muma nokoro ang’o e wi ndalowagi?
“Oganda noked gi oganda kendo pinyruoth noked gi pinyruoth . . . Magi duto gin chakruok mag masiche malit ka muoch ma kecho.”
“Jonabi mang’eny mag miriambo nosiek kendo ginimi ji mang’eny lal; kendo nikech timbe maricho nomedre, hera mar ji mang’eny nobed mang’ich.”
“Ka uwinjo wach lwenje kod humb lwenje, kik uluor; gigi nyaka timre, kata kamano, giko to podi.”
“Yiengni madongo mag piny nobedie, bende chiemo nobed manok kamoro bang’ machielo kendo tuoche ma landore nobedie. Gik ma kelo luoro nonenre, kendo ranyisi madongo noa e polo.”
“Kinde matek ahinya nobedie e ndalo mag giko. Nimar ji nobed jo moherore giwegi, jo mohero pesa, jo ma pakore, jong’ayi, jo achaya, jo ma ok winj jonyuolgi, jo ma ok go erokamano, jo ma ok makre chuth gi jomamoko, jo ma onge hera, jo ma ok oikore loso winjruok moro amora, joketh nying ji, jo ma onge ritruok, jo mager, jo ma ok ohero gik mabeyo, jo andhoga, jo ma wigi tek, jo sunga, jo mohero mor mag piny kar hero Nyasaye, jo ma nenore gi oko ni gin jo moluoro Nyasaye to gitamore yie mondo tekone ochik ngimagi; to in pogri ia kuom jo ma kamago.”