PENJO MAR 10
Muma singo ni ngima biro chalo nade kinde mabiro?
“Jo makare nobed weg piny, kendo ginidagie nyaka chieng’.”
“Piny to osiko nyaka chieng’.”
“Obiro tieko tho chuth, Jehova Wuon Loch Duto biro yweyo pi wengegi duto.”
“E kindeno, muofni biro neno, jo ma itgi odino itgi noyawre. Jo ma ong’ol nochikre ka ngau, kendo momni biro kok gi mor. Nimar pi nobubni e thim, kendo aoche nobedie e piny motwo.”
“Kendo obiro yweyo pi wengegi duto, mi tho ok nobedie kendo, kata kuyo, kata ywak, kata rem ok nobedie kendo. Gik machon osekadho.”
“Gibiro gero ute kendo ginidagie, gibiro pidho puothe mzabibu kendo chamo olembegi. Ok giniger ute mondo jomamoko e modagie, kendo ok ginipur mondo jomoko nono e mocham. Nimar ndalo mag joga nobed mana ka ndalo mag yien, kendo joga moyier nobed mamor gi tich lwetegi.”