PENJO MAR 16
Ere kaka inyalo nyagori gi parruok?
“Bol ting’ mari kuom Jehova, to obiro konyi. Ok obi weyo ng’at makare opodhi.”
“Chenro mag jakinda kelo ohala, to ji duto ma rikni bedo modhier.”
“Kik iluor, nimar an kodi. Kik iparri, nimar an e Nyasachi. Abiro tegi, ee, abiro konyi, anamaki motegno gi bada ma korachwich ka atayi e yo makare.”
“Ng’ano kuomu ma kuom parruok nyalo medo bor mar ngimane kata mana gi bat achiel?”
“Omiyo, kik uparru kuom kiny, nikech kiny nobed gi parruokne owuon. Odiechieng’ kodiechieng’ nigi chandruokne morome.”
‘Yanguru gadier gik ma dwarore moloyo.’
“Kik uparru e wi gimoro amora, to kuom gik moko duto, kulamo kendo kusayo kaachiel gi goyo erokamano, nyisuru Nyasaye kwayou; eka kuwe mar Nyasaye ma loyo ng’eyo duto biro rito chunyu kod pachu kokalo kuom Kristo Yesu.”