PENJO MAR 18
Ere kaka inyalo sudo machiegni gi Nyasaye?
“A Nyasaye, ji duto nobi iri nimar in e Jawinj lamo.”
“Gen Jehova gi chunyi duto, kendo kik igen kuom riekoni iwuon. Gen kuome e yoreni duto, eka enomi yoreni oriere tir.”
“Ka ng’ato ong’eyi, in Nyasaye makende mar adier kod jal ma ne ioro Yesu Kristo, to en gi ngima ma nyaka chieng’.”
‘Kuom adier Nyasaye ok bor gi ng’ato ka ng’ato kuomwa.’
“Ma e lamona kinde duto, ni herau osik ka medore moloyo, kendo ubed gi ng’eyo malong’o kod nyalo mar pogo weche e yo makare.”
“Ka nitiere ng’ato e kindu mochando rieko, osik kokwayo Nyasaye, nimar Nyasaye chiwo rieko ne ji duto e yo mogundho ma ok omany ketho kuom ng’ato, kendo enomiyego.”
“Suduru machiegni gi Nyasaye to en bende nosud iru. Pwodhuru lweteu obed maler un joricho, kendo pwodhuru chunyu un jo ma bagni e paro ariyo.”
“Tiend hero Nyasaye e ma, ni waluw chikene; to chikene ok tek luwo.”