Chakre Ruodh Israel Mokwongo Nyaka Bedogi Wasumbini Babulon

Saulo ne obedo ruodh Israel mokwongo. Kata kamano, Jehova ne ogole, ma kare ne oketie Daudi kaka ruoth. Wapuonjore gik mang’eny kuom Daudi. Kane podi en rawera, ne okedo gi ng’at mogangore marabet miluongo ni Goliath. Bang’e ne oringo nikech nyiego mar Ruoth Saulo. Kendo Abigail dhako man gi chia, ne ogeng’e kik otim tim mofuwo.

Maluwo mano, wapuonjore gik mang’eny kuom Solomon wuod Daudi, ma ne okawo kar Daudi kaka ruodh Israel. Kuom ruodhi adek mokwongo mag Israel, moro ka moro ne otelo kuom higini 40. Bang’ tho Solomon, Israel ne opogore nyadiriyo, pinyruoth ma masawa kod pinyruoth ma milambo.

Pinyruoth ma masawa moting’o dhoudi 10, ne obetie kuom higini 257 kane podi ok okethe gi Jo-Asuria. Higini 133 bang’e, pinyruoth ma milambo moting’o dhoudi ariyo, bende ne okethi. E kindeni, Jo-Israel ne oter kaka wasumbini Babulon. Kuom mano, Kare mar ANG’WEN wuoyo kuom higini 510 mag gik mang’eny matimore.