Weche Mantie

Ji mang’eny e kindewagi temo matek mondo gibed joma ong’ere e pinyni. Sulani biro konyowa mondo waket pachwa kuom ng’at ma dwaher ni ong’ewa maber moloyo kendo omor kodwa, ma en Jehova Nyasaye. Bende, wabiro neno kaka Jehova nyiso ni ong’eyo jotichne kendo omor kodgi, ka seche moko otimo mano e yo ma ok wapar kata.

E sulani, wabiro nono gimomiyo Musa nolalo thuolo ma jaber mar donjo e Piny ma Nosingi. Bende, wabiro neno gik monego watim mondo kik wadonj e obadho ma Musa nodonjoe.

Jehova e ma nochueyo dhano duto. Kuom mano, odwaro ni en kende e ma mondo walame. Kata kamano, nitie joma wacho awacha gi dhogi ni gilamo Jehova ka konchiel to gitimo gik ma ok more. E sula mokwongo, wabiro nono puonj ma wanyalo yudo kuom gik ma notimore e ngima Kain, Solomon, Musa, kod Harun. E sula mar ariyo, wabiro neno yore ma wanyalo nyisogo Jehova ni wamor gi thuolo makende momiyowa mar bedo joge.