Lendo

◼ Buge milendogo e dwe mar Januar: Ang’o ma Muma Puonjo Kuom Adier? Kapo ni weg udi nigi bugno, jolendo nyalo chiwo buge ma nigi ite 192 ma ne ogo e kalatas ma kite loko range kata moro amora ma ne ogo kapok ochopo 1992. Februar: Chiw achiel kuom buge maluwogi ka giyudore, Be Ing’eyo Gima Kelo Mor mar Joot ?, Biblia—Neno la Mungu au la Binadamu?, kata Je, Kuna Muumba Anayekujali? Mach: Ang’o ma Muma Puonjo Kuom Adier? Tim kinda mar chako puonjruok gi ji Muma. April kod Mei: Nochiw gasede mag Ohinga mar Jarito kod Amkeni! Seche ma idok limo jogo ma orwako wach, moriwo nyaka jogo ma jobiro e Rapar kata e chokruoge mamoko mag Joneno to podi ok gisebedo machiegni ahinya gi kanyakla, tim kinda mar chiwonigi buk mar Ang’o ma Muma Puonjo Kuom Adier? Chenro mari maduong’ onego obed chako puonjruok Muma kodgi kitiyo gi bugno.

◼ Chakre juma mokwongo mar Mach, twak manyien mar ji duto ma ibiro gol gi jorit-alwora en “Tamri Gombo Manono mag Piny, Law Gik Madier mag Pinyruoth.”

◼ Kanyakla onego otim chenro madwarore mar timo Rapar ma higani ma nobed chieng’ Tich Ang’wen tarik 9, April, bang’ podho chieng’. Kanyakla ka kanyakla onego otem timo Rapar ma ok giriwore gi kanyakla moro. Kuonde ma kanyakla mokalo achiel tiyo gi Od Romo achiel, moko kuom kanyaklago nyalo manyo kama chielo ma ginyalo timoe Raparno. Kama kanyakla mokalo achiel tiyo gi Od Romo achiel, waparo ni ber ka giweyo dakika 40 ka tin e kindgi, mondo thuolo moromo obedie ma owete gi nyimine bedogo kanyachiel ka gimosore bang’ Rapar.