Nwoyo Puonj mag Skul
Penjo maluwogi ibiro non e Chokruog Skul mar Tij Nyasaye e juma machakore Februar 23, 2009. Jarit-Skul biro tayo migawo mar nwoyo penjogi kuom dakika 20, kaluwore gi weche mosepuonjruok e kind juma mar Januar 5 nyaka Februar 23, 2009.
1. Ere kaka Nyasaye ne nyalo miyo ler obedie e odiechieng’ mokwongo ka gik marieny e kor polo makelo ler to ne ochwe e odiechieng’ mar ang’wen? (Chak. 1:3, 16) [w04 1/1 ite mar 28 par. 5]
2. En paro mane mwayudo kuom bedo ni Jehova ne ok onyiso Noa ni obed gi loch kuom piny, kaka ne onyiso Adam jal ma ne kare chuth ma onge richo? (Chak. 9:1) [it-2 ite mar 1095 par. 6]
3. Singruok ma ne Nyasaye otimo gi Ibrahim ne ochako tiyo karang’o, to osiko kuom kinde maromo nade? (Chak. 12:1-4) [w04 1/15 ite mar 26 par. 4; w01 8/15 ite mar 17 par. 13]
4. Ang’o manyiso ni Nimrod kod joma ne oluwe ne ok ochopo dwaro margi mar ‘loso nyinggi giwegi’? (Chak. 11:4) [w98 3/15 ite mar 25]
5. Nikech Lut iluongo ni ng’at “makare” e 2 Petro 2:7, ang’o momiyo ne odwaro chiwo nyige ne joricho ma ne olworo ode? (Chak. 19:8) [w05 2/1 ite mar 26 par. 15-16; w04 1/15 ite mar 27 par. 3]
6. Nikech chwo moluoro Nyasaye onego orit joutegi, ang’o momiyo Ibrahim ne oriembo Hagar kod Ishamael mondo odhi e thim? (Chak. 21:10-21; 1 Tim. 5:8) [w88 2/15 ite mar 31]
7. En puonj mane ma wanyalo yudo kuom kinda mar Eliezer mar timo gik moko kaka Jehova dwaro kane omanyo ni Isaka dhako? (Chak. 24:14, 15, 17-19, 26, 27) [w97 1/1 ite mar 31 par. 2]
8. Tiend lek ma ne Jakobo oleko ka oneno malaike ‘idho kendo lor kuom raidhi’ ne en ang’o? (Chak. 28:10-13) [w03 10/15 ite mar 29 par. 1; it-2 ite mar 189]
9. Ang’o momiyo Rahel ne dwaro ahinya olemb mandrek ma ne wuod Lea ni godo? (Chak. 30:14, 15) [w04 1/15 ite mar 28 par. 7]
10. Ere kaka Jakobo noketo ranyisi maber mar tieko ywaruok e kind ng’ato gi nyawadgi? (Chak. 33:3, 4) [g82 2/22 ite mar 19 par. 8-10]