Nwoyo Puonj mag Skul

Penjo maluwogi ibiro non e Skul mar Tij Nyasaye e juma machakore Agost 26, 2013. Oket tarik mibiro wuoye moro ka moro kuom penjogi mondo okonyi e timo nonro seche mitimo ikruok ne skul juma ka juma.

1. Tim mar Ruoth Herode mar yie mondo ji omiye pak kod duong’ maok owinjore yudo, miyowa puonj mane maduong’? (Tich 12:21-23) [Jul. 1, w08 5/1 ite mar 32 par. 7]

2. Ere kaka rowere ma Jokristo nyalo yudo ber kuom nono kendo luwo ranyisi ma Timotheo noketo? (Tich 16:1, 2) [Jul. 8, w08 5/1 ite mar 32 par. 10]

3. Kane Akula kod Priskilla owinjo Apollo kawuoyo “gi chir” e sunagogi, ne gikawo okang’ mane mondo gikonye? (Tich 18:24-26) [Jul. 15, w10 6/15 ite mar 11 par. 4]

4. Gin weche mage e Muma manyiso ni Joneno mag Jehova nyalo dhi e kot sama jomoko temo tamogi ni kik gilendi? (Tich 25:10-12) [Jul. 22, bt-SW ite mar 198 par. 6]

5. Jaote Paulo notimo ang’o mondo odhi nyime lendo kata ka ne en e od tuech, to ere kaka jotich Jehova ma kindegi nyalo luwo ranyisi ma noketono? (Tich 28:17, 23, 30, 31) [Jul. 29, bt-SW ite mag 215-217 par. 19-23]

6. Ang’o momiyo Muma kwedo tim mar nindruok e kind chwo gi chwo kata mon gi mon? (Rumi 1:26, 27) [Ago. 5, g-SW 1/12 ite mar 28 par. 7]

7. Ere kaka ‘misango mar rawar ma Kristo Yesu’ nochiwo e higa mar 33 E Ndalowa ne nyalo miyo Nyasaye ‘owe ne ji richo ma ne gitimo chon’ kata ka pok nochiw misangono? (Rumi 3:24, 25) [Ago. 5, w08 6/1 ite mar 11 par. 6]

8. En chenro mane majaber ma Jehova oketo mondo okonywa sama waromo gi chandruoge ma korgi tek e okang’ ma wakiya kata gima dwawach e lamo? (Rumi 8:26, 27) [Ago. 12, w08 6/1 ite mar 12 par. 10]

9. Sama Muma wacho ni “heruru rwako welo,” mano tiende ang’o? (Rumi 12:13) [Ago. 19, w09 10/1 ite mag 13-14 par. 12-13]

10. Ere kaka wanyalo ‘rwako Yesu Kristo’ kaka jaote Paulo nojiwo e Jo Rumi 13:14? [Ago. 26, w05-SW 1/1 ite mag 11-12 par. 20-22]