Weche Mwanyalo Chako Wuoyogo gi Ji

Chako Puonjruok mar Muma gi Ji Ngeso Mokwongo e Dwe mar Septemba

“Amosi. Walimi machuok mondo wanyisie gimoro ma nyalo konyo joma okendore mondo odag gi kuwe. Ineno nade, en ang’o maduong’ ma mono joma okendore dak gi kuwe?” [Rit dwoko.] Nyise tok Ohinga mar Jarito ma Septemba 1, kae to unon kode weche manie bwo penjo mokwongo kaachiel gi moko kuom ndiko moket kanyo. Chiw gasede kendo itim chenro mar dok nono penjo maluwo.

Ohinga mar Jarito Septemba 1

“Ji mang’eny wuoro gimomiyo Nyasaye oweyo dhano chandore kama. In be wachno osechandie? [Rit dwoko.] Gima ber en ni Muma singonwa ni nitie kinde ma ywak gi rem ok nobedie. [Som Fweny 21:4.] Gasedni lero gik moko abich madongo momiyo chandruok ng’eny. Olero bende gima Muma wacho ni Nyasaye biro timo mondo otiek chandruok.”

Amkeni! Septemba

“Kawuono ne wawuoyo gi ji duto kuom nyasi moro mabiro timore machiegnini miluongo ni Halloween. Jomoko oseng’ado ni ok gibi timo nyasino nikech siem kaka mayudore e Mumani. [Som Tim Jo-Lawi 19:31.] Nitie jomoko maok oyie ni nitie chwech mag roho manyalo hinyogi, omiyo gineno ni onge gima nyalo timogi kata ka ok gitimo nyasi mar Halloween. In to ineno nade nyasino? [Rit dwoko.] Gasedni lero kaka nyasini nochakore.”