Timbe Maler kod Luor Matut Nyalo Konyo Jaodi Orwak Adiera

Kinde mang’eny mon ma osebedo Joneno mag Jehova nyalo konyo chwogi orwak adiera kokalo kuom timbegi mabeyo. Kata kamano, mondo mano otimre, samoro nyalo dwarore ni ng’ato onan e pek mopogore opogore kuom higni mang’eny. (1Pe 2:21-23; 3:1, 2) Ka po ni itimoni gik maricho, dhi adhiya nyime loyo gima rach kuom timo gima ber. (Rum 12:21) Ranyisi maber miketo nyalo konyo kama duong’ moloyo mana weche ma iwacho.

Tem neno gik moko kaka jaodi nenogi. (Fil 2:3, 4) Kech jaodi kendo itim duto minyalo mondo ichop ting’ magi e yor luor. Chik iti maber sama jaodi wuoyo kodi. (Jak 1:19) Bed ng’at ma hore kendo tim gik ma miyo jaodi ng’eyo ni ihere. Kata ka po ni jaodi ok timni gik mabeyo kendo ok omiyi luor, bed gadier ni Jehova mor gi kinda ma itimo.​—1Pe 2:19, 20.

NEURU VIDIO MA WIYE WACHO NI JEHOVA MIYOWA TEKO MAR NANO E CHANDRUOGEWA, KAE TO UDWOK PENJO MA LUWOGI:

• Ngima Grace Li ne chalo nade ka nokende?

• Ang’o ma nomiyo ochako puonjore Muma?

• Ere kaka nonano e chandruoge ma nokale bang’ batiso?

• Ang’o ma nogombo ahinya mondo otimre ne chwore?

• Gin gueth mage ma Nyaminwa Li oseyudo nikech timbene maler kod luor matut ma omiyo chwore?