Kaw Mapek Winjruokni gi Jehova

Joneno mag Jehova nigi migawo makende. Nikech wan Jokrito mosechiwore ne Jehova kendo osebatisi, wadhi nyime loso winjruok ma nie kindwa gi Jehova Ruoth manyalo duto mondo obed motegno. Oseywayowa ire kokalo kuom Wuode. (Joh 6:44) Owinjo lamowa.​—Za 34:15.

Ere kaka wanyalo rito winjruok ma nie kindwa gi Nyasaye? Achiel kuom gik ma wanyalo timo en tang’ gi gik maricho ma Jo-Israel notimo. Mapiyo bang’ timo singruok mar bedo gi winjruok maber gi Jehova, ne giloso nyaroya mar dhahabu ma gichako lame. (Wu 32:7, 8; 1Ko 10:7, 11, 14) Wanyalo penjore kama: ‘Atimoga nang’o sama aromo gi tem moro ma nyalo miyo atim gima rach? Be timbena nyiso ni akawo mapek winjruokna gi Jehova?’ Hera ma waherogo Wuonwa ma nie polo biro miyo waring gik mosin-go.​—Za 97:10.

NEURU VIDIO MA WIYE WACHO NI, RIT WINJRUOKNI GI JEHOVA (KOL 3:5), KAE TO UDWOK PENJO MA LUWOGI:

• Ich-lach en ang’o?

• Ang’o momiyo onego watang’ gi ich-lach kod lamo sanamu?

• Nitie tudruok mane e kind terruok kod lamo sanamu?

• Ang’o momiyo joma nigi migepe e riwruok mar oganda Jehova onego one ni gichopo dwach joutegi?