Ik Chunyi

Sama wapuonjore Muma, wadwaro ni weche manie iye omul chunywa. Ezra noketonwa ranyisi maber e wachni. Muma wacho kama kuome: “Noseiko chunye mondo onon Chik Jehova.” (Ezra 7:10) Ere kaka wanyalo iko chunywa?

Lem. Sa asaya midwaro puonjori Muma, chak gi lamo. Kwa Jehova mondo okonyi winjo tiend gik misomo kod kaka inyalo tiyo kodgi.—Zab. 119:18, 34.

Bed ng’at mobolore. Nyasaye umo adiera ne josunga ma paro ni ginyalo winjo tiend weche manie Muma gi pachgi giwegi. (Luka 10:21) Kik itim nonro mana nikech idwaro ni ji opaki. Kifwenyo ni pachi opogore gi mar Nyasaye sama ipuonjori, bolri kendo iyie timo lokruok.

Winj wendewa mag Pinyruoth. Wer nyalo mulo chunywa ahinya kendo iko pachwa ne puonjruok. Winjo achiel kuom wendewa mag Pinyruoth ka pok ichako puonjori Muma, nyalo konyi iko chunyi ne puonjruok.