Somo mar 5

Dwaro mar Nyasaye ne Piny En Ang’o?

Ang’o momiyo Jehova nochueyo piny? (1, 2)

Ang’o momiyo kawuono piny ok paradis? (3)

Ang’o mabiro timore ne jo maricho? (4)

E ndalo mabiro, Yesu biro timo ang’o ne jomatuo? jodongo moti? jo motho? (5, 6)

Mondo ibedi e gweth mabiro, owinjore itim ang’o? (7)

1. Jehova nochueyo pinyni mondo dhano odagie gimor nyakachieng’. Ne odwaro ni piny osik gi ji mamor ma timgi ni kare. (Zaburi 115:16; Isaiah 48:18) Piny ok bikethi ngang’, nosiki nyakachieng’.—Zaburi 104:5; Eklesiastes 1:4.

2. Ka Nyasaye ne pok ochueyo dhano noyiero kamoro matin e piny ma noloso obedo paradis maber ahinya. Noluongo kanyo ni puodho mar Eden. Kanyo e ma nokete dichwo gi dhako mokwongo, Adam gi Hawa. Nyasaye ne dwaro ni mondo gibed gi nyithindo kendo gipong’ piny duto. Mosmos ne onego gilok piny duto obedi paradis.—Chakruok 1:28; 2:8, 15.

3. Adam gi Hawa ne otimo richo ka ne giketho goyiem chik Nyasaye. Kamano Jehova noriembogi giaye puoth Eden. Paradis nolal. (Chakruok 3:1-6, 23) To kata kamano wi Jehova pok owil gi dwaro mare ne pinyni. Osingo ni obiro lose obed paradis ma ji nodagie nyakachieng’. Ere kaka obiro timo kamano?—Zaburi 37:29.

4. Kapok pinyni obedo paradis, nyaka gol jo maricho. (Zaburi 37:38) Mani biro timore e Har-magedon, lwenj Nyasaye matieko richo. Bang’e, ibiro twe Satan higini 1,000. Ma nyiso ni onge jo maricho mabiro dong’ mondo oketh piny. Jo Nyasaye kende ema biro kwo.—Fweny 16:14, 16; 20:1-3.

5. Bang’e Yesu Kristo biro locho kaka ruoth e wi piny kuom higini 1,000. (Fweny 20:6) Obiro golo richo mosmos e parowa kendo gi ringrewa. Wabiro bet jo makare kaka Adam gi Hawa kane pok gitimo richo. Bang’e tuoche, ti kod tho ok nobedi kendo. Joma tuo ibiro changi kendo jo moti biro bedo rawere kendo.—Ayub 33:25; Isaiah 33:24; Fweny 21:3, 4.

6. E kinde Loch Yesu mar Higini Gana Achiel, jo manigi geno biro loko piny mangima obed paradis. (Luka 23:43) Bende, ibiro chier tara mag joma otho mondo gidagi e pinyka. (Tich Joote 24:15) Ka gitimo gima Nyasaye dwaro, gibiro dak e piny nyakachieng’. Ka ok kamano, to nokethgi nyakachieng’.—Johana 5:28, 29; Fweny 20:11-15.

7. Kuom mano dwaro mokwongo mar Nyasaye ne piny biro timore. Bende diher yudo gwethgi mag ndalo mabiro? Ka kamano, dwarore ni mondo idhi nyime gi puonjruok kuom Jehova kendo luwo dwaro mage. Chokruok kaachiel e Od Pinyruoth mar Joneno mag Jehova machiegni kodi biro konyi timo kamano.—Isaiah 11:9; Jo Hibrania 10:24, 25.

[Picha manie ite mar 10]

Paradis ma nolal

[Picha manie ite mar 11]

Bang’ Har–Magedon, piny ibiro losi mondo obed paradis