Somo mar 15

Konyo Jomoko Timo Dwaro mar Nyasaye

Ang’o momiyo onego iwachne jomoko gik mipuonjori? (1)

Ng’a ma onego iwachne wach maber? (2)

Timbeni nyalo konyo jomoko nade? (2)

Kar ang’o ma inyalo landoe wach maber kaachiel gi kanyakla? (3)

1. Koro isepuonjori gik mang’eny man ei Muma. Ng’eyoni onego konyi mondo inyis kido mar Jakristo. (Jo Efeso 4:22-24) Ng’eyo makamano dwarore mondo iyud ngima ma nyakachieng’. (Johana 17:3) Kata kamano, jomoko bende onego winj wach maber manyalo miyo gin bende gi kwo. Jokristo duto mar adier nyaka land wach ni jomoko. Mano en chik moa kuom Nyasaye.—Jo Rumi 10:10; 1 Jo Korintho 9:16; 1 Timotheo 4:16.

2. Inyalo chako nyiso ji machiegni kodi gik mabeyo mipuonjori. Wachgi ne wedeni, osiepeni, joma isomogo, gi joma itiyogo. Bed jang’uono kendo ng’at ma hore ka itimo kamano. (2 Timotheo 2:24, 25) Par ni kinde mathoth ji temo ng’iyo tim ng’ato moloyo winjo wechene. Kuom mano timbe mabeyo nyalo ywayo jomoko mondo gi chik itgi ne gima iwachonegi.—Mathayo 5:16; 1 Petro 3:1, 2, 16.

3. Bang’e, inyalo chopo kama koro inyalo chako dhi lendo kaachiel gi kanyakla mar Joneno mag Jehova manie gweng’u. Ma en ondamo maduong’ kuom dongruok mari. (Mathayo 24:14) Nyalo bedo mor manade ka inyalo konyo ng’ato mondo obed jatich Jehova kendo yudo ngima ma nyakachieng!—1 Jo Thessalonika 2:19, 20.