Somo mar 16

Yiero Tiyo ne Nyasaye

Onego itim ang’o mondo ibed osiep Nyasaye? (1, 2)

Ere kaka onego ichiwri ne Nyasaye? (1)

Onego batisi karang’o? (2)

Ere kaka inyalo yudo teko mondo isiki kiluoro Nyasaye? (3)

1. Mondo ibed osiep Nyasaye, nyaka iyudi ng’eyo maber mar adiera mar Muma (1 Timotheo 2:3, 4), ket yie kuom gik misepuonjori (Jo Hibrania 11:6), kwa ng’uono kuom richoni (Tich Joote 17:30, 31), kendo ilok ngimani. (Tich Joote 3:19) E ka hera ma iherogo Nyasaye onego mi ichiwri iwuon ni Nyasaye. Mano tiende ni e lamo mari iwuon, ma aponda inyise ni ichiworine mondo itim dwaro mare.—Mathayo 16:24; 22:37.

2. Ka isechiwori ne Nyasaye, onego batisi. (Mathayo 28:19, 20) Batiso nyiso ji duto ni isechiwori ne Jehova. Kuom mano batiso en mana mar jogo mosedoko madongo kende manyalo yiero giwegi ni gidwaro tiyo ni Nyasaye. Ka ng’ato obatisi, dende duto onego luti e pi aye igolo.a—Mariko 1:9, 10; Tich Joote 8:36.

3. Bang’ ka isechiwori, Jehova biro dwaro mondo idagi kaluwore kod singruok mari. (Zaburi 50:14, Eklesiastes 5:4, 5) Jachien biro temo mondo otami tiyo ni Jehova. (1 Petro 5:8) To sud machiegni gi Nyasaye e lemo. (Jo Filipi 4:6, 7) Puonjri wachne pile ka pile. (Zaburi 1:1-3) Makri machiegni kod kanyakla. (Jo Hibrania 13:17) Kitimo magi duto, ibiro yudo teko mondo isiki kiluoro Nyasaye. Kamano, e kinde duto inyalo timo gik ma Nyasaye dwaro ni mondo itim!

[Weche moler piny]