Nyasaye e Osiep Maber Chutho Minyalo Bedogo

Bedo osiep Nyasaye e gima ber chutho manyalo timoreni. Nyasaye biro puonji kaka inyalo bedo mamor kendo makare; obiro konyi weyo puonj mang’eny ma ok kare kod timbe mahinyo ji. Enowinj lemoni. Obiro konyi mondo ibed gi kwe kod geno. (Zaburi 71:5; 73:28) Nyasaye biro konyi endalo mag chandruok. (Zaburi 18:18) Kendo Nyasaye chiwoni mich mar ngima ma nyakachieng’.​—Jo Rumi 6:23.

Kaka isudo machiegni gi Nyasaye, e kaka ibiro sudo machiegni gi osiepe Nyasaye. Gin bende gibiro bedo osiepeni. Kendo, gibiro bedo kaka oweteni gi nyimineni. Gibiro mor puonji weche Nyasaye kendo gibiro konyi ma gijiwi.

Ok warom gi Nyasaye. Ka itemo mako osiep gi Nyasaye, nyaka ing’e wach moro maduong’. Mako osiep kod Nyasaye ok en kaka osiep e kind mbese. En gi ndalo mang’eny, en gi rieko ahinya kendo en gi teko mohingowa. En e Jaloch mowinjore bedo gi loch e wiwa. Omiyo ka wadwaro bedo osiepne, nyaka wawinje kendo watim dwarone. Mano biro konyowa pile.​—Isaiah 48:18.