Kido mar Ber

1. Ka wang’eyo ber Jehova

Kinde te wabet mamor.

Kaka Wuonwa ma e polo,

Yorene beyo duto.

Okechowa, oherowa,

Onyisowa ber mang’eny;

Owinjore ka walame

Kendo tiyone gi mor.

2. Ochueyowa machal kode

Mondo wan bende wanyis

Kido duto kaka mage,

Waluw kidone mar ber.

Wadhi nyime nyiso berne,

Ji duto one berne.

Wakwa roho mar Nyasaye,

Wanyis kido mag roho.

3. Joma gin wedewa kuom yie

Duto gin owetewa.

Wanyisgi hera madiera,

Watim ber ne ji duto.

Ka walando ne ji Pinyruoth

Kendo miyogi geno,

Ka walendo mak wabuon ji,

Wanyiso kido mar ber.