SOMO NAMBA 12

Wuoyo e Yo Mang’won

1 Jo-Thesalonika 2:7, 8

GIMA INYALO TIMO: Wuo e yo mang’won kinyiso ni idewo jowinjo gadier.

Par gima nyalo konyo jowinjo. Ik chunyi kuom temo paro chandruoge ma yudogi. Par kaka giwinjo e chunygi.
Yier weche ma itiyogo. Dwachi maduong’ onego bed duogo chuny jowinjo, hoyogi, kendo jiwogi. Tang’ gi weche ma nyalo chwanyo ji kayiem nono kendo kik iwuo marach e wi joma ok lam Jehova kod puonj ma gimakorego.
Nyis ni idewo jowinjo. Dwondi kaachiel gi ranyisi mag dendi onego onyis ni idewo jowinjo. Non kaka itiyo gi ranyisi mag wang’; bwonj kinde ka kinde.

Yo miwuoyogo onego onyis kaka iwinjo e chunyi gadier. Sama isomo, ne ni dwondi oluwre gi gima isomo to kik isom e yo mabiro miyo jowinjo oket pachgi duto kuomi. Tem wuoyo e yo mang’won kendo gi dwol ma muol.