Gima Wanyalo Wacho Kuom Gasedewa

Ohinga mar Jarito Ago. 15

“Dwaher winjo kowuok kuomi kaka ineno wach moro ma Yesu nowacho e Muma. [Som Mathayo 5:5.] Gik ma Yesu ne osingogi ka otimore adier, be iparo ni piny nobed kaka ochal sani? [Rit dwoko.] Gasedni nyiso kowuok e Muma kaka Yesu biro loko piny. Bende, gasedni lero wach kowuoyo kuom jogo mabiro yudo girkeni mag piny.”

Amkeni! Ago.

“Be iparo ni nitie kinde moko ma wabiro neno joherawa ma ne osetho? [Rit dwoko.] Ne gima Yesu ne osingo kowuoyo kuom jo motho. [Som Johana 5:28, 29.] Weche mondiki kae leronwa gima Muma wacho kuom gima timore ka ng’ato otho.” El weche mayudore kochakore e kalatas mar 28.

Ohinga mar Jarito Sept. 1

“Ji mang’eny sani chunygi ose ol kod weche din. Be iparo ni bedo ja din konyo mondo ng’ato obed ng’at maber? [Rit dwoko.] Ne gima Muma ne okoro kowuoyo kuom gima jomoko biro dwaro ei din e ndalo mag giko. [Som 2 Timotheo 4:3, 4.] Gasedni lero kaka lamo madier miyo Nyasaye duong’, kaachiel koda ber ma mano kelonwa.”

Amkeni! Sept.

“Ji mathoth penjore ka bende yie kuom Nyasaye en gima owinjore kod Sayans. In ineno wachno nadi? [Rit dwoko, bang’e to isom Jo Hibrania 3:4.] Gasedni, miluongo ni Amkeni! ma oting’o wach ma kende, nono gigo manitie ma osemiyo Josayans moko oyie kuom Jachwech.”