“Paro mag Chiwo Gasede e Dwe mar . . .”

Wajobedo gi migawo e Chokruok mar Tijwa manyiso kaka wanyalo chiwo gasede. Gimomiyo oket migawono en mondo wawuo kuom paro ma wanyalo tiyogo e chiwo gasede, to ok mondo waler weche mayudore ei gasedego. Kuom mano, kaluwore gi weche monego oluw, owadwa matayo migawono onego ochak gi weche machuok ahinya makonyowa bedo gi ilo e wi gasedego. Kae to, onego okwa jolendo mondo ochiw paro kuom wach maduong’ manie ng’e gaset (kata sula matindo manie bwoye) kotimo mano moro bang’ machielo, mondo jowinjo duto oluwre kode kendo giyud paro ma ginyalo tiyogo. Kar mondo owadwano owe jowinjo ochiw paro maboyo, onego omi ji mang’eny kaka nyalore thuolo mar wuoyo machuok kuom penjo manyalo mako pach ji e alwora kod ndiko minyalo tigo. Onego otiek migawono gi ranyisi manyiso kaka inyalo chiw gaset ka gaset. Ijiwowa mondo wasom gasedego chon kendo waikre chiwo paro. Ka waduto waikore maber, migawono biro konyowa e piagore ng’ato gi nyawadgi.​—Nge. 27:17.