Tim Puonjruok Mari e Yo Manyalo Konyi

GIMOMIYO MANO DWARORE: Puonjruok marwa wawegi miyo wabedo gi “ng’eyo e yo malong’o lach gi bor ma ariwa gi bor modhi malo kod tut” mar adiera. (Ef 3:18) Puonjruok bende nyalo konyowa wabed ma onge mbala moro amora e piny morochoreni kendo okonyowa mako “motegno wach mar ngima.” (Fil 2:15, 16) Puonjruok marwa miyowa thuolo mar yiero buge ma wabiro somo mondo okonywa. Ang’o ma wanyalo timo mondo wasom kendo wapuonjre Muma e yo makonyowa moloyo?

KAKA WANYALO TIMO MANO:

• Kiew kata iket alama e Mumbi mar puonjruok, bende inyalo ndiko weche madongo bed ni in gi Muma mogo e buk kata ma dijitol

• Sama ipuonjori Wach Nyasaye, penjri ane penjogi: ‘Ng’a? Ang’o? Karang’o? Kanye? Nikech ang’o? Ere kaka notimore?’

• Tim nonro. Inyalo tiyo gi gige timo nonro mondo imany wach moro sie kata imany buge malero ndiko moro sie

• Par matut e wi weche misomo mondo ine kaka ginyalo konyi

• Ti gi puonj miyudo e ngimani mapile ka pile.​—Luk 6:47, 48

NEURU VIDIO MA WIYE WACHO NI, ‘MAK MOTEGNO’ WACH NYASAYE​—TIM PUONJRUOK MARI E YO MAKONYI, KAE TO UDWOK PENJO MALUWOGI:

• Ang’o ma jomoko wacho e wi puonjruok ma ng’ato timo owuon?

• Ang’o momiyo onego ilem kapok ichako puonjruok?

• Ang’o manyalo konyi mondo iwinj tiend ndiko moro e yo maber?

• Gin alama mage minyalo tiyogo e Mumbi mar puonjruok?

• Ang’o momiyo onego ipar matut sama ipuonjori Wach Nyasaye?

• Onego itim ang’o gi weche ma isepuonjori?