Gima Nyaka ne Bedie e Hema mar Lamo

25:9, 21, 22

Sandug Chik ne en gima nyaka ne bedie e hema mar lamo ma ne nitie e kambi mar Jo-Israel. Boche ma ne nenore e kind Jo-Kerubi ariyo ma ne obet e wi raum mar Sandugno ne nyiso ni Nyasaye ne nigi Jo-Israel. E Odiechieng Pwodhruok ma ne itimoga dichiel e higa, jadolo maduong’ ne donjoga Ka Maler Moloyo mondo okir remb rwath kod remb diel e nyim raum mar Sandugno mondo opwodhgo richo mar Jo-Israel. (Law 16:14, 15) Mano ne nyiso kaka Yesu, ma en Jadolo Maduong’, ne dhi donjo e nyim Jehova owuon e polo mondo oter nengo mar misango ma nochiwo ka ne ochuero rembe.​—Hib 9:24-26.

Chan ndiko ma luwogi ka luwore gi gueth ma wayudo nikech misango ma Yesu nochiwo:

NDIKO

• 1Jo 1:8, 9

• Hib 9:13, 14

• Rum 6:23

GUETH

• wabedo gi geno mar dak nyaka chieng’

• iweyonwa richowa

• wabedo gi chuny maler

Ang’o ma nyaka watim mondo wayud guethgo?