Ne Lit ne Ji

Neno ne ng’ato lit tiende en winjo kaka owinjo e chunye, paro kaka oparo, kendo ng’eyo gik mogeno kod gik modwaro. En gima ng’ato timo nikech ogombo konyo jomamoko kowuok e chunye. Sama waneno ne ji lit e tij lendo, wanyisogi kaka Jehova oherogi kendo dewogi, to mano ywayogi ire.​—Ef 2:4.

Neno ne ng’ato lit ok en gima inyal puonj ng’ato kae to omako. En kido ma nenore e yo ma wachikogo itwa, kaka wawuoyo, paro ma wan-go e wi ji, kod e ranyisi mag wang’ gi mag del ma wanyiso. Wanyiso ni waneno ne ng’ato lit ka wadewe gadier. Watemo nono gik mohero, gik moyiego, kod kaka ngimane chal. Konye gi rieko monyalo tiyogo e ngimane, to kik ichune mondo otim lokruok. Sama jomoko oyie mondo wakonygi, mano miyo wamedo bedo mamor e tij lendo.

NEURU VIDIO MA WIYE WACHO NI, YUD MOR E TIJ LOKO JI OBED JOPUONJRE—MED LONY MARI—NE LIT NE JI, KAE TO UDWOK PENJO MA LUWOGI:

• 

  Ere kaka Neeta noneno ne Jade lit ka ne ochopo modeko ne puonjruok margi?

• 

  Ere kaka Neeta noneno ne Jade lit ka ne Jade owacho ni ool ma ok onyal kata puonjore?

• 

  Ere kaka Neeta noneno ne Jade lit ka ne Jade onyise ni ok en ng’at mochanore maber?