En Ang’o ma Anyalo Kwayo Sama Alemo?

Dwoko ma Muma chiwo

Inyalo kwayo gimoro amora tek ni gima ikwayono owinjore gi chike Nyasaye manie Muma. Muma wacho ni ‘gimoro amora ma wakwayo [Nyasaye] ka luwore gi dwache, owinjowa.’ (1 Johana 5:14) Be inyalo kwaye mondo okonyi e weche ma chando chunyi? Ee, inyalo. Muma medo sayowa niya: ‘Goluru weche me i chunyu e nyim [Nyasaye].’—Zaburi 62:8.

Wanyalo kwayo Nyasaye mondo

• Omiwa yie momedore.—Luka 17:5.

• Okonywa gi rohone maler mondo watim gik makare.—Luka 11:13.

• Omedwa teko mar chung’ motegno sama tem oyudowa kata sama chandruok odonjo.—Jo-Filipi 4:13.

• Omiwa kuwe mar adier.—Jo-Filipi 4:6, 7.

• Okonywa gi rieko mar timo yiero maber.—Jakobo 1:5.

• Okonywa e yudo gik ma wasirogo ngimawa.—Mathayo 6:11.

• Owenwa richowa.—Mathayo 6:12.