Nyasaye ne Dwaro ni Wadag e Ngima Machalo Nade?

Muma wacho ni ‘ndalo mag dhano nok, kendo opong’ mana gi chandruok.’ (Ayub 14:1) Be mano e ngima ma Nyasaye dwaro ni wadagie? Ka ok en kamano, kare odwaro ni wadag e ngima ma chalo nade? Be dwacheno biro chopo? Ne ane kaka dwoko ma Muma chiwo hoyowa.

1. Jehova dwaro ni wadag e ngima ma chalo nade?

Jehova dwaro ni wadag e ngima maberie moloyo. Ka ne ochueyo Adam gi Hawa, ne oketogi e puodho ma jaber miluongo ni Eden. Kae to “Nyasaye noguedhogi, kendo nowachonegi niya: ‘Nyuolreuru mondo upong’ piny, kendo ubed gi teko e wi piny.’” (Chakruok 1:28) Jehova ne dwaro ni ginyuol nyithindo, gilok piny duto obed paradiso, kendo girit le. Nodwaro ni ji duto obed gi ngima maber kendo gidag nyaka chieng’.

Kata obedo ni dhano ok odak e ngima ma chalo kamano gie sani,a dwacheno pok olokore. (Isaya 46:10, 11) Pod odwaro ni joma luwo chikene odag e ngima maber nyaka chieng’.​—Som Fweny 21:3, 4.

2. Ere kaka wanyalo dak gi mor kod kuwe gie sani?

Jehova nochueyowa gi gombo kata ‘riyo mar ng’eye’ kendo lame. (Som Mathayo 5:3-6.) Odwaro ni wabed gi winjruok maber kode, ‘wawuoth e yorene duto, wahere,’ kendo watine gi ‘chunywa duto.’ (Rapar mar Chik 10:12; Zaburi 25:14) Ka watimo kamano, wanyalo bedo mamor gadier kata obedo ni wayudo chandruoge. Lamo Jehova kendo dak kaluwore gi dwache miyo wabedo gi ngima maber kendo mopong’ gi kuwe.

3. Jehova dwaro ni dhano odag e ngima maber kendo mopong’ gi kuwe

Tug VIDIO, kae to uwuo e wi penjo ma luwoni:

VIDIO: Ang’o Momiyo Nyasaye ne Ochueyo Piny?​—En Bath Vidio (1:41)

• Ang’o momiyo Nyasaye nochueyo pinywa ma jaberni?

Som Eklesiastes 3:11, kae to uwuo e wi penjo ma luwoni:

• Ndikono puonji ang’o e wi Jehova?

4. Dwach Jehova pok olokore

Som Zaburi 37:11, 29 kod Isaya 55:11, kae to uwuo e wi penjo ma luwoni:

• Wang’eyo nade ni dwach Jehova ne dhano pok olokore?

5. Lamo Jehova miyo wadak e ngima mopong’ gi mor kod kuwe

VIDIO: Napuonjora Kaka Nyasaye ne Dwaro ni Dhano Odag (5:03)

• Ere kaka ng’eyo dwach Nyasaye ne dhano nokonyo Terumi?

Som Eklesiastes 12:13, kae to uwuo e wi penjo ma luwoni:

• Wanyalo nyiso nade ni wagoyo erokamano kuom gik mang’eny ma Jehova osetimonwa?

PUONJ MADUONG’

Jehova dwaro ni wadag e piny kae ka wamor kendo ka wan gi kuwe nyaka chieng’. Ngimawa nyalo bedo maber kata mana gie sani ka walame gi chunywa duto.

Ang’o ma ipuonjori?

• Jehova ne dwaro ni Adam gi Hawa odag e ngima ma chalo nade?

• Wang’eyo nade ni dwach Nyasaye ne dhano pok olokore?

• Ere kaka inyalo dak e ngima mopong’ gi mor kod kuwe?

MED TIMO NONRO

Ne ane gik ma nyiso gadier ni puodho mar Eden ne nitie.

“Be Puodho mar Eden ne Nitie Adier Koso en Mana Sigana?” (Ohinga mar Jarito, Januar 1, 2011)

Ne ane gimomiyo wanyalo bedo gadier ni pinyni biro siko nyaka chieng’.

“Be Ibiro Keth Pinyni?” (Sula ma yudore e jw.org)

Non ane gima Muma wacho e wi kaka wanyalo dak e ngima mopong’ gi mor kod kuwe.

“Ang’o Momiyo Nyasaye Nochueyowa?” (Sula ma yudore e jw.org)

Ne ane kaka ng’at moro nofwenyo ni kare noremo gimoro e ngimane, kata obedo ni noparo ni en gi gik moko duto.

Sani Adak e Ngima Maber (3:55)