Kata kamano, nitie hono machielo ma timore sama Johana batiso Yesu. ‘Polo yawore’ ne Yesu. Nikech ang’o? Nenore ni sama ibatis Yesu, paro duto ma ne en-go chon ka pok obedo dhano duogone. Omiyo, Yesu koro nyalo paro ngimane kane en e polo kaka wuod Jehova, moriwo nyaka adiera ma Nyasaye ne opuonje e polo ka pok obiro e piny.

Mapiyo bang’ ka Johana osebatiso Yesu, roho mar Nyasaye tayo Yesu nyaka e thim ma Judea. En gi weche mang’eny e pache. Sama ne ibatise, “polo noyawore.” (Mathayo 3:16) Omiyo, nonyalo paro gik ma ne osepuonjre kod ma notimo kane en e polo. Kuom adier, en gi weche mathoth monego opar matut!