3. (a) Ere kaka bedowa gi “nyak mar roho” miyo Nyasaye duong’? (b) Gin penjo mage mwabiro nono?

³ Kido ma roho maler nyago, gin mag Jehova Nyasaye ma e Soko mar rohono. (Kol. 3:⁠9, 10) Yesu nonyiso gimaduong’ momiyo Jokristo onego otem matek luwo kit Nyasaye, kane owacho ne jootene niya: “Ma eri e mimiyogo Wuora duong’, ni unyago olemo mang’eny.”a (Joh. 15:8) Sama wabedo gi “nyak mar roho,” kidogo biro nenore maler e wechewa koda timbewa; kae to mano biro miyo Nyasachwa pak. (Math. 5:⁠16) Nyak mar roho opogore e yore mage gi kido manie piny Satan? Ere kaka wanyalo bedo gi nyak mar roho? Ang’o momiyo timo kamano nyalo bedo matek? Wabiro nono penjogo sama wapuonjore e wi kido adek mokwongo mag nyak mar roho​​—⁠hera, mor, kod kuwe.