Inyalo Reswa Kuom Mirimb Nyasaye

4, 5. Ang’o manyiso ni mirimb Nyasaye osiko kuom chenro marach mar piny masani?

⁴ Muma kaachiel gi weche ma dhano oseneno ratiro, nyiso ni chakre Adam donj e richo, mirimb Nyasaye ‘osesiko kuom’ oganda dhano. (Joh. 3:36) Mano nenore maler nikech gikone onge dhano moro amora mosetony ne tho. Loch Satan ok osegeng’o dhano chuth kuom masira masiko ka yudo ji, kendo onge sirkand dhano ma osechopo dwaro mag jogo duto manie bwogi. (1 Joh. 5:19) Omiyo dhano pod chandore nikech lweny, mahundu, kod dhier.

⁷ Jaote Paulo nowacho ni, Yesu “resowa a e mirima ma biro.” (1 Thes. 1:10) Yo mogik ma Jehova biro nyisogo mirimbe biro kelo kethruok mosiko ne joricho motamore loko chunygi. (2 Thes. 1:6-9) Ng’a gini mabiro tony? Muma wacho kama: “Ng’a ma oyie kuom Wuowi en gi ngima ma nyaka chieng’; to ng’a ma ok winj Wuowi ok none ngima, to mirimb Nyasaye osiko kuome.” (Joh. 3:36) Ee, e kinde ma chenro mar pinyni biro chopo e gikone, jogo duto manobed mangima to keto yie kuom Yesu koda kuom rawar, biro tony e kethruok mar odiechieng’ mogik mar mirimb Nyasaye.