• Kik Ing’i Gik man “Chien”
    Ohinga mar Jarito—2012 | Mach 15

    • 12. Paulo ne nigi paro mane kuom gik ma ne oseweyo chien?

      12 Jaote Paulo noweyo chien gik mang’eny mondo mi obed jalup Kristo. (Fili. 3:4-6) Ne en gi paro mane kuom gik ma ne oseweyo chien? Owachonwa kama: “Gigo ma nobetna ka ohala, asekwanogi ka gik manono, nikech Kristo.” To nikech ang’o? Odhi nyime niya: ‘Adier, akwano gik moko duto ka gik manono, nikech gweth maduong’ moloyo mar ng’eyo Kristo Ruodha. Gik moko duto ne olalna nikech en, to akwanogi duto ka gik miwito oko, ni mondo ayud Kristo.’a (Fili. 3:7, 8) Mana kaka ng’at mawito yugi ok ywag ang’e bang’e, Paulo ok ne oywago ang’e nikech gik piny ma ne oseweyo chien. Koro ne ok okawgi kaka gik man gi ohala.

      13, 14. Ere kaka wanyalo luwo ranyisi ma Paulo noketo?

      13 Ang’o mabiro konyowa kapo ni wafwenyo ni wachako bedo gi paro mag ywago ang’e e wi gik ma ne waweyo chien? Luw ranyisi ma Paulo noketo. E yo mane? Par matut kuom ber ma in-go sani. Iseyudo mwandu maduong’ mar bedo gi winjruok maber gi Jehova, kendo iseloso nying’ maber kuom chung’ motegno e tiyone. (Hib. 6:10) Be nitie mwandu mag ringruok ma pinyni nyalo miyowa minyalo por gi gweth mag chuny masani in-go koda mibiro yudo e kinde mabiro?—Som Mariko 10:28-30.

  • Kik Ing’i Gik man “Chien”
    Ohinga mar Jarito—2012 | Mach 15

    • a Kaluwore gi dhok machon, wach molok kanyo ni “gik miwito oko” bende inyalo tigo kiwuoyo kuom “gik miwito ne guogi,” “owuoyo” kata “oko mar dhano kod le.” Jasomo moro mar Muma wacho ni, wach ma Paulo notiyogo kanyo nyiso kaka ng’ato “ng’ado chuth mar werruok gi gimoro manono, kendo osin gi gino maok ochak oduogie kendo.”