Ohinga mar Jarito LAIBRARI E INTANET

Muma Oting’o Weche Moa Kuom Nyasaye

Inyalo Dak gi Mor Nyaka Chieng’!—Chenro mar Puonjruok Muma
- 1. Ka po ni dhano e ma nondiko Muma, ere kaka obedo Wach Nyasaye?
  
  Muma ne ondik gi ji mopogore opogore ma dirom 40. Buk mokwongo ne ondik chiegni higni 3,500 mokalo to buk mogik ne ondik higni ma dirom 1,900 mokalo. Jondikogo nodak e ngima mopogore opogore. Kuom ranyisi, moko kuomgi ne omewo kendo osomo, to moko ne odhier kendo nodak e ngima mapile. To e ma pod weche duto manie Muma otudore adimba. Ere kaka mano nyalore? Nikech Muma en Wach Nyasaye. (Som 1 Jo-Thesalonika 2:13.) Jondikogo ne ok ondiko pachgi. Kar mano, ne giwacho “weche moa kuom Nyasaye kaluwore gi kaka roho maler ne tayogi.”a (2 Petro 1:21) Nyasaye notiyo gi roho mare maler e tayo jondikogo mondo gindik pache.—2 Timotheo 3:16.

Muma Oting’o Weche Moa Kuom Nyasaye

Inyalo Dak gi Mor Nyaka Chieng’!—Chenro mar Puonjruok Muma
- 4. Muma nyisowa kama weche manie iye noaye
  
  Tug VIDIO. Som 2 Timotheo 3:16, kae to uwuo e wi penjo ma luwo.
  
  VIDIO: Muma Owuok Kuom Ng’a?—En Bath Vidio (2:48)
  
  Ka dhano e ma nondiko Muma, ang’o momiyo iluonge ni Wach Nyasaye?
  
  Be in gadier ni Nyasaye ne nyalo tayo dhano mondo gindik pache?
  
  Sekretari nyalo ndiko barua moro, kata kamano, weche mondikogo owuok kuom meneja. E yo ma kamano, dhano bende ne ondiko Muma, kata kamano, weche ma ne gindikogo ne owuok kuom Nyasaye.