Un Rowere​—Beduru gi ‘Kinda ne Tije Mabeyo’

E barua ma jaote Paulo nondiko ne Tito, nowacho ni owete ma pod tindo, moriwo nyaka Tito, onego otim duto ma ginyalo mondo ‘giket ranyisi kuom bedo gi timbe mabeyo e yore duto.’ (Tit 2:6, 7) E sula achielno, nomedo ni ne idhi pwodh jotich Jehova mondo gibed gi “kinda ne timbe mabeyo.” (Tit 2:14) Achiel kuom tije mabeyogo en lendo kod puonjo ji e wi Pinyruodh Nyasaye. Kapo ni in rawera, be inyalo tiyo gi tekoni e timo painia makonyo kata mapile?​—Nge 20:29.

Kapo ni diher bedo painia, inyalo keto chenro ma nyalo konyi bedo painia. (Luk 14:28-30) Kuom ranyisi, en tich mane ma ibiro tiyo mondo iyud kaka ibiro konyori sama itiyo ne Jehova kuom thuoloni duto? Ere kaka ibiro chopo seche ma dwarore kuom painia? Kwa Jehova mondo okonyi. (Za 37:5) Inyalo wuoyo gi jonyuolni kata Jokristo mamoko ma gin painia e wi wachno. Bang’ mano, kaw okenge ma dwarore mondo itim migawono. Jehova biro guedho kinda mitimo e tije.

NEURU VIDIO MA WIYE WACHO NI, ROWERE MAMIYO JEHOVA DUONG’, KAE TO UDWOK PENJO MALUWOGI:

• Gin pek mage ma owete gi nyimine moko ne nigo, to ne giloyo pekgo nade?

• Ere kaka jonyuol nyalo konyo nyithindgi mondo obed jopainia mapile?

• Ang’o momiyo bedo gi chenro mar lendo en gima dwarore?

• Ere kaka owete gi nyimine manie kanyakla nyalo jiwo kendo konyo painia?

• Gin gueth mage ma jopainia yudo?