-
Ng’e Migawo Makende ma Yesu Nigo e Dwaro mar NyasayeOhinga mar Jarito—2008 | Desemba 1
-
-
En e ‘Jadolo Maduong’ ’
15. Ang’o momiyo migawo mar Yesu kaka Jadolo Maduong’ opogore gi mag chwo mamoko duto mosetiyo kaka jodolo madongo?
15 Chwo mang’eny nosetiyo kaka jodolo madongo e kinde machon, kata kamano migawo mar Yesu kaka Jadolo Maduong’ en migawo makende. E yo mane? Paulo lero niya: “En ok onego otim kaka jodolo mamoko timo; ok ochiw misango pile pile, mokwongo ni richone owuon, eka ni richo mar oganda; to notimo misango dichiel kende, ka nochiwore owuon. Chik keto ji ma nyawo obembo obed jodolo madongo, to weche mag kuong’ruok, ma nobiro achien bang’ Chik, keto Wuowi, mobedo jadolo makare nyaka chieng’.”—Hib. 7:27, 28.b
16. Ang’o momiyo kuom adier misango ma Yesu nochiwo en misango makende?
16 Yesu ne en dhano makare maonge richo, ne en kaka Adam kane Adam pok otimo richo. (1 Kor. 15:45) Nikech mano, Yesu ema ne en dhano kende ma ne nyalo chiwo misango makare chuth—misango ma ne ok dhi dwarore ni ochak onwo kendo. E bwo Chik Musa, misengini ne ichiwo pile ka pile. Misenginigo duto koda tije ma jodolo ne timo, ne gin mana tipo mar gima Yesu ne dhi chopo. (Hib. 8:5; 10:1) Omiyo, migawo mar Yesu kaka Jadolo Maduong’ en migawo makende nikech gigo mochopo oloyo mag jodolo mamoko machon, kendo migawoneno en migawo masiko.
-
-
Ng’e Migawo Makende ma Yesu Nigo e Dwaro mar NyasayeOhinga mar Jarito—2008 | Desemba 1
-
-
b Kaluwore gi jasomo moro mar Muma, wach molok ni “dichiel kende,” en wach malero puonj moro maduong’ ei Muma, “manyiso kaka tho Kristo ne en gima nyaka ne timre, gima kende, kata matimore mana dichiel.”
-