Waherreuru Koa e Chunywa

1. Chunywa ber ka nyago hera.

Hera chakre e i chunywa;

Wabiro nyiso herano

Ne owete duto.

Wanyis herano madiera

Hera ma wan-go e chunywa,

Ka wan gi chuny mang’won gadier,

Ma nyiso ji hera.

Waher gi wach koda tim,

Ka wakonyo joma chandore.

Watim ber ne ji duto

E thuolo ma wayudo.

Wami ji duong’, wamigi luor;

Wabed jogo ma kechogi.

Kik waland nyawo ma gin-go.

Waher owete duto,

Winjruok mondo osiki.

2. Ka herawa ler kendo tut,

Ok wabi chwanyre mapiyo;

Nitie gik ma mi wageno

Owetewa duto.

Wanyago osiep mar adier;

Wagenre ng’ato gi ng’ato.

Wachokre kanyachiel gi mor,

Tekowa medore.

Waboth pile ka pile;

Wechewa be chwanyo jomoko.

Nyaka wanyisgi ng’wono

Nyasaye oherogi.

Wabed osiepegi madier,

Kwajiwo winjruokwa pile.

Wang’ere kaka johera.

Wamiyo Jehova duong’,

Ka wanyiso herane.