Somo mar 12

Miyo Ngima kod Remo Luor

Ere kaka onego wane ngima? (1) buogo? (1)

Ere Kaka Jokristo nyiso ni giparo yore manyalo geng’o hinyruok? (2)

Nego le rach? (3)

Timbe mage moko maok nyis luor ni ngima? (4)

Chik Nyasaye wacho nang’o kuom remo? (5)

Bende mano oriwo medo remo? (6)

1. Jehova e Chakruok mar ngima. Gik mangima duto owuok kuom Nyasaye. (Zaburi 36:9) Ngima ler ni Nyasaye. Kata mana ngima mar nyathi mapok onyuol man ei min mare en gima ber moloyo ni Jehova. Nego goyiem nyathi machalo kamano ma pod ni e ich en gima rach e wang’ Nyasaye.—Wuok 21:22, 23; Zaburi 127:3.

2. Jokristo maradier gin joma otang’ ni hinyruok. Nyaka gineni nyamburko kata miechgi ok nyal kelo hinyruok. (Rapar mar Chik 22:8) Jotich Nyasaye ok gin ji maok odewo ngimagi, omiyo ok gidonjie mor kata tuke manyalo kelo masira. Kuom mano ok gibedie tuke mopong’ gi gero mahinyo jomoko gayiem. Ok gibedi e tuke makelo gero.—Zaburi 11:5; Johana 13:35.

3. Ngima le bende en gima ber moloyo ne Jachuech. Jakristo nyalo nego le mondo omi joode chiemo kod lewni kata geng’o tuoche kata masira manyalo yude. (Chakruok 3:21; 9:3; Wuok 21:28) To en gima rach sando le kata negogi e tugo kata mor.—Ngeche 12:10.

4. Jokristo ok onego madh ndawa, nyamo mira, kata madho yethe ma kelo mer kaka njaga. Timbegi richo nikech (1) gimakowa ahinya (2) giketho ringrewa, kendo (3) gichido. (Jo Rumi 6:19; 12:1; 2 Jo Korintho 7:1) Nyalo bedo matek ahinya weyo timbegi. To nyaka watim kamano mondo wamor Jehova.

5. Remo bende en gima ler e wang’ Nyasaye. Nyasaye wacho ni chuny kata ngima nitie e remo. Kuom mano rach chamo remo. Bende en gima rach chamo ring le ma rembe ok ochwer maber. Ka ode le kata ka le otho e obadho, ok onego ochame. Ka ochuowe gi tong’ kata ochiele gi bunde, nyaka ng’ad ng’ute mapiyo eka inyalo chame.—Chakruok 9:3, 4; Tim Jo-Lawi 17:13, 14; Tich Joote 15:28, 29.

6. Bende yie mondo omedi remo en gima rach? Par niya, Jehova dwaro ni mondo kik wacham remo. Mani nyiso ni ok wanyal keto edendwa remb jomoko kata mana rembwa wawegi mosekan. (Tich Joote 21:25) Omiyo Jokristo maradier ok nyal yie kod medo remo. Ginyalo yie mondo othiedhgi eyore mamoko, kaka medo yath ma ok oruw gi remo e ler. Gidwaro dak, to ok ginyal temo reso ngimagi kuom ketho chike Nyasaye.—Mathayo 16:25.

[Picha manie ite mar 25]

Mondo wamor Nyasaye nyaka wawe medo remo, timbe mochido, kendo gik manono, makelo hinyruok