-
Penjo mar 13: Ang’o ma Muma puonjo e wi tich?Puonj Manie Wach Nyasaye
-
-
PENJO MAR 13
Ang’o ma Muma puonjo e wi tich?
‘Ineno ng’ato matiyo tichne gi kinda koso? Enochung’ nyim ruothi; ok nochung’ nyim jo moko nono.’
“Ng’at ma kwelo kik okwel kendo; to kar mano oti matek, kotiyo tich ma ratiro gi lwetene, mondo obed gi gimoro monyalo miyo ng’at machielo mochando.”
“Ma e mich moa ka Nyasaye, mondo ng’ato ka ng’ato ochiem kendo omadh, obedi mamor kuom tichne duto.”
-
-
Penjo mar 14: Ere kaka inyalo tiyo maber gi mwandu ma in-go?Puonj Manie Wach Nyasaye
-
-
PENJO MAR 14
Ere kaka inyalo tiyo maber gi mwandu ma in-go?
‘Ng’a mohero tugatuga kende nobedi jachan; ng’at mohero divai gi mo ok nobed gi mwandu.’
‘Jagowi bedo jatich jalo ma chiwone.’
“En ng’a kuomu ma ka dwaro gero ot ma rabora ok obi bet piny mondi kendo kwano nengo mondo one ka en-gi gima orome tieko odno? Nono to onyalo keto mise mar odno kae to tieke tame, eka ji duto ma neno mano chako jare niya: ‘Ng’atni nochako gedo to ok onyal tiekogo.’”
“To kane giseyieng’, nowacho ne jopuonjrene niya: ‘Chokuru ng’injo modong’ kanyachiel, mondo kik gimoro amora kethre.’”
-
-
Penjo mar 15: Ere kaka inyalo bedo mamor?Puonj Manie Wach Nyasaye
-
-
PENJO MAR 15
Ere kaka inyalo bedo mamor?
‘Bang’o kuon e od jo maheri, ber moloyo chamo ring buoch machwe e od jo mosin kodi.’
“An Jehova Nyasachi, mapuonji mondo iyud konyruok, mateloni e yo madidhie.”
“Joma mor gin joma nigi riyo mar ng’eyo Nyasaye, nimar Pinyruodh polo en margi.”
“Nyaka iher wadu kaka iherori iwuon.”
“Mana kaka udwaro ni ji otimnu, un bende timnegiuru kamano.”
“Joma mor gin jogo ma winjo wach Nyasaye kendo timo!”
“Ka ng’ato nigi gik mogundho, ngimane ok otenore kuom gik ma en-go.”
“Omiyo, ka wan gi chiemo kod lewni, mago mondo oromwa.”
“Chiwo kelo mor mogundho moloyo kawo.”
-
-
Penjo mar 16: Ere kaka inyalo nyagori gi parruok?Puonj Manie Wach Nyasaye
-
-
PENJO MAR 16
Ere kaka inyalo nyagori gi parruok?
‘Ket ting’ mari kuom Jehova, mi nopidhi; ok noyie jo matir oyiengini nyaka chieng’.’
‘Ng’a ma jakinda oparo mondo gige gibedi mang’eny; to jo marikini, giduto, gimire dhier kendgi.’
‘Kik iluor, ni kech an kodi; we ng’eng’, ni kech an Nyasachi: Anamii teko; ee, nakonyi; ee, nasiri gi lueta marachwich, an matimo kare.’
“Ng’ano kuomu ma kuom parruok nyalo medo bor mar ngimane kata mana gi bat achiel?”
“Omiyo, kik uparru kuom kiny, nikech kiny nobed gi parruokne owuon. Odiechieng’ kodiechieng’ nigi chandruokne morome.”
“Uyang gadier gik ma dwarore moloyo.”
“Kik ubed gi parruok e wi gimoro amora, to kuom gik moko duto, kulamo kendo kusayo kaachiel gi goyo erokamano, nyisuru Nyasaye kwayou; eka kuwe mar Nyasaye ma loyo ng’eyo duto biro rito chunyu kod pachu kokalo kuom Kristo Yesu.”
-
-
Penjo mar 17: Ere kaka puonj mag Muma nyalo konyo joodi?Puonj Manie Wach Nyasaye
-
-
PENJO MAR 17
Ere kaka puonj mag Muma nyalo konyo joodi?
CHWO/WUONE
“E yo ma kamano, chwo onego oher mondegi kaka gihero ringregi giwegi. Ng’at mohero chiege oherore owuon, nikech onge ng’at ma osin gi dende owuon, to opidhe kendo ogene ahinya. . . . Ng’ato ka ng’ato kuomu nyaka her chiege kaka oherore owuon.”
“Wuone, kik ubed ka uchwanyo chuny nyithindu, to dhiuru nyime pidhogi ka urieyogi kendo kupuonjogi kaka Jehova dwaro.”
MON
“Dhako . . . onego omi chwore luor matut.”
“Un mon, bolreuru e bwo chwou nimar en gima owinjore kuom Ruodhwa.”
NYITHINDO
“Un nyithindo, winjuru jonyuolu nikech Ruodhwa, nimar mano en gima kare. ‘Mi wuoru gi meru luor,’ mano e chik mokwongo ma nigi singo: ‘Mondo weche odhi kodi maber, kendo idag e piny kuom ndalo mang’eny.’”
“Un nyithindo, winjuru jonyuolu e gik moko duto nimar mano en gima ber kuom Ruodhwa.”
-