Nwoyo Puonj mag Skul
Penjo ma luwogi ibiro non e Skul mar Tij Nyasaye e juma machakore Agost 31, 2015.
Gin weche mage e wi Jehova Nyasaye ma Solomon nowacho e lamone ma gero yiewa, kendo ere kaka paro matut kuom wechego nyalo konyowa? (1 Ruo. 8:22-24, 28) [Jul. 6, w05-SW 7/1 ite mar 30 par. 3]
Ere kaka wanyalo luwo ranyisi ma Daudi noketo mar wuotho gi “chuny modimbore” e nyim Nyasaye? (1 Ruo. 9:4) [Jul. 13, w12 11/15 ite mar 7 par. 18-19]
En puonj mane maduong’ ma wayudo kuom Jehova ka nooro Elija mondo odhi ir chi liel ma Zarefath? (1 Ruo. 17:8-14) [Jul. 27, w14 2/15 ite mar 14]
Ere kaka paro matut kuom weche mayudore e 1 Ruodhi 17:10-16 nyalo jiwowa mondo wabed gadier ni Jehova biro konyowa? [Jul. 27, w14 2/15 ite mag 13-15]
Ere kaka ranyisi mar Elija nyalo konyowa sama chunywa onyosore? (1 Ruo. 19:4) [Ago. 3, ia ite mag 102-103 par. 10-12; w14 3/15 ite mar 15 par. 15-16]
Jehova notimo ang’o ma noneno ka chuny janabine ma Elija onyosore, kendo ere kaka wanyalo luwo ranyisi mar Nyasachwa mar dewo jomoko? (1 Ruo. 19:7, 8) [Ago. 3, w14 6/15 ite mar 27 par. 15-16]
Paro mane ma ok kare ma ne Ruoth Ahab nigo, kendo ere kaka Jokristo nyalo bedo motang’ gi paro ma kamano? [Ago. 10, lv ite mag 164-165, sanduk; w14 2/1 ite mar 14 par. 3-4]
Ang’o ma wanyalo puonjore kuom wach ma Elisha nokwayo Elija, to mano konyowa nade sama wayudo migawo moro manyien e tij Nyasaye? (2 Ruo. 2:9, 10) [Ago. 17, w03-SW 11/1 ite mar 31 par. 5-6]
Rowere nyalo luwo nade ranyisi maber mar yie kod chir ma Nya-Israel moro miwuoyo kuome e 2 Ruodhi 5:1-3 noketo? [Ago. 24, w12 2/15 ite mar 13 par. 11]
Kido mage ma Jehu ne nigo ma jotich Nyasaye e kinde mag gikogi onego otem matek mondo obedgo (2 Ruo. 10:16) [Ago. 31, w11 11/15 ite mar 5 par. 4]