“Goluru Nyiseche Duto ma Un-go”

Jakobo nong’eyo ni Jehova kende e ma onego olam kata obedo ni Jehova ne pok ochiwo chik moro amora ma kwedo lamo nyiseche manono. (Wu 20:3-5) Omiyo, ka ne Jehova onyiso Jakobo ni odog Bethel, Jakobo nonyiso joma ne ni kode ni gigol sanamu ma ne gin-go. Bang’ mano, Jakobo nowito sanamugo moriwo nyaka stadi ma nyalo bedo ni ne otudore gi timbe juok. (Cha 35:1-4) Nyaka bed ni Jehova ne mor ahinya gi okang’ ma Jakobo nokawono.

E kindewagi, ere kaka wanyalo lamo mana Jehova kende? Achiel kuom gik ma nyaka watim en kwedo gimoro amora motudore gi lamo nyiseche manono kod timbe juok. Mano oriwo ketho gimoro amora motudore gi juok kendo nono yorewa mag manyo mor. Inyalo penjori niya: ‘Be dibed ni ahero somo buge kata neno movie ma nyiso gik ma galagala ma nyodho remb ji, ma ji thoe to chier ka gin jochiende, kod ma ji timoe gik ma dhano ok nyal timo e ngima mapile? Be dibed ni yore mag manyo mor ma ahero nyiso ni timbe juok ok nyal hinyo ng’ato? ’ Nyaka wakwed gimoro amora ma Jehova osin-go.—Za 97:10.

NEURU VIDIO MA WIYE WACHO NI, ‘KWED JACHIEN,’ KAE TO UDWOK PENJO MA LUWOGI:

• 

  En chandruok mane ma japuonjre Muma miluongo ni Palesa nobedogo?

• 

  Ang’o momiyo onego wamany kony kuom jodongo ka po ni jochiende chandowa kata chando ng’at ma wapuonjorego Muma?

• 

  Ka wadwaro ni Jehova oritwa, gin ang’o ma nyaka wawerego?

• En okang’ mane ma Palesa nokawo?

• Gin yore mage ma inyalo kwedogo jochiende kama idakie?