Be Joneno mag Jehova Gin Jokristo?

Ee. Nikech weche maluwogi:

• Watemo luwo machiegni puonj koda kido ma Yesu Kristo nonyiso.—1 Petro 2:21.

• Wayie ni Yesu e yo mar yudo warruok, ni ‘onge kwo kuom ng’at moro; nikech onge nying’ moro machielo e bwo polo mochiw ne ji, monego gikwoe.’—Tich Joote 4:12.

• Ka ng’ato bedo Janeno mar Jehova, ibatise e nying Yesu.—Mathayo 28:18, 19.

• Walemo e nying Yesu.—Johana 15:16.

• Wayie ni Yesu e Wich, tiende ni en e jal moketi e wi dhano duto.—1 Jo Korintho 11:3.

Kata kamano, nitie yore mang’eny ma wapogorego gi dinde mamoko maluongore ni Jokristo. Kuom ranyisi, wayie gi gima Muma puonjo ni Yesu en Wuod Nyasaye, to ok wayie gi puonj mar Didek. (Mariko 12:29) Ok wapuonj ni dhano nigi chuny maok tho, kendo ok wawach ni Ndiko siro puonj mar ni Nyasaye wang’o ji e mach maok tho, kata ni jotend din onego obed gi nyinge mag telo maketogi e wi jomamoko.—Eklesiastes 9:5; Ezekiel 18:4; Mathayo 23:8-10.