SOMO NAMBA 17

Tiyo gi Weche Mayot Winjo

1 Jo-Korintho 14:9

GIMA INYALO TIMO: Kony jowinjo ng’eyo tiend weche ma idwaro puonjo.

Tim nonro matut e wi wach midwaro puonjo. Ng’e maber gik midwaro puonjo mondo ilergi e yo mayot kitiyo gi wecheni iwuon.
Ti gi sentens machieko chieko kendo mayot winjo. Kata obedo ni ok rach tiyo gi sentens maboyo, tem tiyo gi sentens machieko chieko sama iwacho puonj madongo.

Kik iti gi weche mang’eny ma ok ochuno ma nyalo chocho jowinjo. Ti gi weche mayot winjo kendo moriere kar tiyo gi weche mogajore ma winjo tek.
Ler tiend weche ma ji kia. Ka nyalore, kik iti gi weche ma jowinjo kia. Kochuno ni nyaka iwach wach moro ma gikia, iluong nying ng’at moro e Muma, iwach gir pimo moro, kata chike moko machon, tem leronegi wechego e yo maber.